Purusha : సమ్మర్ రేసులో ‘పురుష:’.. మే 22న థియేటర్లలోకి!

వేసవి సెలవుల్లో ప్రేక్షకులకు పూర్తిస్థాయి వినోదాన్ని పంచేందుకు మరో ఫ్యామిలీ ఎంటర్‌టైనర్ సిద్ధమైంది. నూతన నటుడు పవన్ కళ్యాణ్ బత్తుల హీరోగా పరిచయమవుతున్న తాజా చిత్రం ‘పురుష:’. కళ్యాణ్ ప్రొడక్షన్స్ పతాకంపై బత్తుల కోటేశ్వరరావు నిర్మిస్తున్న ఈ చిత్రానికి వీరు వులవల దర్శకత్వం వహిస్తున్నారు. బత్తుల సరస్వతి ఈ సినిమాను సమర్పిస్తున్నారు. తాజాగా ఈ మూవీ రిలీజ్ డేట్‌ను మేకర్స్ అఫీషియల్‌గా అనౌన్స్ చేశారు. సమ్మర్ కానుకగా ఈ చిత్రాన్ని మే 22న ప్రపంచవ్యాప్తంగా గ్రాండ్‌గా విడుదల చేయబోతున్నట్లు ప్రకటించారు.

వెన్నెల కిషోర్, సప్తగిరి లాంటి స్టార్ కమెడియన్లు ఈ సినిమాలో భాగం కావడంతో.. ఇదొక అవుట్ అండ్ అవుట్ లాఫ్ రియట్‌గా ఉండబోతోందని స్పష్టమవుతోంది. థియేటర్లకు వెళ్లి కుటుంబ సమేతంగా హాయిగా నవ్వుకునేలా దర్శకుడు ఈ చిత్రాన్ని మలిచారు. రిలీజ్ డేట్ దగ్గరపడుతుండటంతో మున్ముందు ప్రమోషనల్ కార్యక్రమాల డోస్ పెంచేందుకు చిత్ర యూనిట్ సన్నాహాలు చేస్తోంది.