NTR – Trivikram Movie: టాలీవుడ్ బాక్సాఫీస్ దగ్గర మరోసారి రికార్డుల సునామీ సృష్టించేందుకు ఒక మోస్ట్ పవర్ఫుల్ కాంబినేషన్ సెట్ అయినట్లు కనిపిస్తోంది. మ్యాన్ ఆఫ్ మాసెస్ ఎన్టీఆర్, మాటల మాంత్రికుడు త్రివిక్రమ్ శ్రీనివాస్ కాంబోలో రాబోతున్న సరికొత్త ప్రాజెక్ట్పై సోషల్ మీడియాలో గత కొన్ని రోజులుగా రకరకాల ప్రచారాలు జరుగుతున్న సంగతి తెలిసిందే. అయితే ఇప్పుడు వీటన్నింటికీ ఫుల్స్టాప్ పెడుతూ చిత్ర యూనిట్ రేపే (సోమవారం) ఈ క్రేజీ ప్రాజెక్ట్ను అధికారికంగా ప్రకటించబోతున్నట్లు ఫిలింనగర్ సర్కిల్స్ నుంచి గట్టి టాక్ వినిపిస్తోంది. ఈ సినిమాకు ‘గాడ్ ఆఫ్ వార్’ (God Of War) అనే పవర్ఫుల్ టైటిల్ను మేకర్స్ పరిశీలిస్తున్నట్లు సమాచారం. తాజాగా నిర్మాత నాగవంశీ తన అఫీషియల్ ఎక్స్ అకౌంట్లో ఒక క్రేజీ ట్వీట్ వేసి తారక్ ఫ్యాన్స్లో మస్త్ జోష్ నింపారు. నేను ఎంతో ఆశగా ఎదురుచూస్తున్న రోజు రేపే అంటూ ఆయన ట్వీట్ చేశారు.
దీంతో రేపే ఈ సినిమా అఫీషియల్ అనౌన్స్మెంట్ ఉంటుందని తారక్ ఫ్యాన్స్ ఫుల్ ఖుషీ అవుతున్నారు. గతంలో వీరిద్దరి కాంబినేషన్లో వచ్చిన ‘అరవింద సమేత వీర రాఘవ’ బాక్సాఫీస్ వద్ద ఎలాంటి ప్రభంజనం సృష్టించిందో అందరికీ తెలిసిందే. మళ్లీ ఇన్నాళ్లకు ఈ కాంబో రిపీట్ అవుతుండటం, దానికి తోడు ‘గాడ్ ఆఫ్ వార్’ అనే గూస్బంప్స్ తెప్పించే టైటిల్ లీక్ అవ్వడంతో మ్యాన్ ఆఫ్ మాసెస్ ఎన్టీఆర్ ఫ్యాన్స్ అప్పుడే సోషల్ మీడియాలో ట్రెండింగ్స్ మొదలుపెట్టేశారు. టైటిల్ను బట్టే ఇది ఒక హై-వోల్టేజ్ యాక్షన్ ఎంటర్టైనర్ అని స్పష్టమవుతోంది. ప్రస్తుతం ఎన్టీఆర్ పాన్ ఇండియా ఇమేజ్ను దృష్టిలో పెట్టుకుని, త్రివిక్రమ్ ఈ కథను మునుపెన్నడూ చూడని రీతిలో భారీ కాన్వాస్పై ప్లాన్ చేసినట్లు ఇండస్ట్రీ వర్గాలు చెప్తున్నాయి. ‘గాడ్ ఆఫ్ వార్’ అనౌన్స్మెంట్తోనే టాలీవుడ్లో కొత్త రికార్డుల వేట మొదలుకానుందని ట్రేడ్ వర్గాలు చెబుతున్నాయి. మరి రేపే ఈ చిత్రానికి సంబంధించిన అఫీషియల్ అనౌన్స్మెంట్ ఉంటుందో లేదో వేచి చూడాల్సిందే.
Finally
My most awaited day is tomorrow 🦚
— Naga Vamsi (@vamsi84) June 28, 2026