Kantara: Chapter 1: కాంతార: చాప్టర్ 1 ప్రీ-రిలీజ్ ఈవెంట్‌కు ముఖ్య అతిథిగా ఎన్టీఆర్

రిషబ్ శెట్టి నటన, దర్శకత్వంలో వచ్చిన ‘కాంతార’ సినిమా పాన్-ఇండియా బ్లాక్‌బస్టర్‌గా నిలిచి ప్రేక్షకులను మంత్రముగ్ధులను చేసింది. ఇప్పుడు ఆయన ‘కాంతారా: చాప్టర్ 1’తో ప్రేక్షకుల ముందుకు రాబోతున్నారు. ఈ ప్రీక్వెల్ చిత్రాన్ని ప్రముఖ నిర్మాణ సంస్థ హోంబలే ఫిల్మ్స్ నిర్మించింది. ఈ సినిమా దసరా సందర్భంగా అక్టోబర్ 2న గ్రాండ్‌గా విడుదల కానుంది. సినిమా ప్రచార కార్యక్రమాలు జోరుగా సాగుతున్నాయి. ఇటీవల విడుదలైన థియేట్రికల్ ట్రైలర్ అన్ని భాషలలో అమితమైన బజ్‌ను క్రియేట్ చేసి, సినిమాపై అంచనాలను ఆకాశానికి తాకేలా చేసింది. ఈ హైప్‌ను మరో స్థాయికి తీసుకెళ్లేందుకు టీం హైదరాబాద్‌లో సెప్టెంబర్ 28న భారీ ప్రీ-రిలీజ్ ఈవెంట్‌ను ఏర్పాటు చేస్తోంది.

Also Read :OG : ఓజీ2 కాకుండా సుజీత్ తో పవన్ కల్యాణ్‌ మరో సినిమా..?

ఈ ఈవెంట్‌కు ముఖ్య అతిథిగా యంగ్ టైగర్ ఎన్టీఆర్ హాజరుకానున్నారు. ఎన్టీఆర్ రాకతో సినిమా ప్రమోషన్‌కు మరింత బలం చేకూరనుంది, అభిమానుల ఉత్సాహం రెట్టింపు కానుంది. ‘కాంతారా: చాప్టర్ 1’ మైథాలజీ, ప్రాంతీయ సంప్రదాయాలను అద్భుతంగా ఆవిష్కరిస్తూ విజువల్ వండర్‌గా నిలవనుంది. ఈ చిత్రం సాంస్కృతిక లోతును, సినిమాటిక్ గ్రాండ్‌ను సమన్వయం చేస్తూ ప్రేక్షకులకు అద్భుతమైన అనుభవాన్ని అందించనుంది.