నందమూరి అభిమానులకు పూనకాలు తెప్పించే వార్త టాలీవుడ్ వర్గాల్లో చక్కర్లు కొడుతోంది. ‘గాడ్ ఆఫ్ మాసెస్’ నందమూరి బాలకృష్ణ మరియు స్టార్ డైరెక్టర్ కొరటాల శివ కలయికలో NBK112 ప్రాజెక్ట్ అధికారికంగా ఖరారైన సంగతి తెలిసిందే. ఈ సినిమాలో బాలయ్య పోషించబోయే పాత్రపై వస్తున్న లీకులు ఇప్పుడు ఇండస్ట్రీని షేక్ చేస్తున్నాయి.
కొరటాల శివ తన ప్రతి సినిమాలో ఒక బలమైన సామాజిక సందేశాన్ని ఉంచుతూనే, హీరోల క్యారెక్టరైజేషన్ను ఎంతో హుందాగా డిజైన్ చేస్తారు. ఈ క్రమంలోనే NBK112 కోసం ఆయన ఒక పవర్ఫుల్ పొలిటికల్ డ్రామాను సిద్ధం చేసినట్లు తెలుస్తోంది. ఇందులో బాలకృష్ణ ఒక పవర్ఫుల్ ముఖ్యమంత్రి పాత్రలో కనిపిస్తారని సమాచారం. ‘భరత్ అనే నేను’లో మహేష్ బాబును సీఎంగా చూపించిన కొరటాల, ఇప్పుడు బాలయ్య మార్క్ మాస్ ఎలివేషన్లతో ఆ పాత్రను మరింత పవర్ఫుల్గా తీర్చిదిద్దబోతున్నారట. ఈ సినిమా అనౌన్స్మెంట్ పోస్టర్పై ఉన్న “Power Meets Purpose, Mass Becomes A Movement“ అనే ట్యాగ్లైన్ సినిమా థీమ్ను స్పష్టం చేస్తోంది. కేవలం రాజకీయాలే కాకుండా, సమాజానికి అవసరమైన ఒక గొప్ప ఆశయం కోసం ముఖ్యమంత్రి చేసే పోరాటంగా ఈ చిత్రం ఉండబోతోందని సినీ విశ్లేషకులు భావిస్తున్నారు. రాజకీయ నేపథ్యంలో బాలయ్య డైలాగ్ డెలివరీ, ఆయన గాంభీర్యం తోడైతే థియేటర్లలో బాక్సాఫీస్ విధ్వంసం ఖాయమని అభిమానులు ధీమా వ్యక్తం చేస్తున్నారు. ప్రస్తుతం బాలకృష్ణ గోపీచంద్ మలినేని దర్శకత్వంలో NBK111 షూటింగ్లో బిజీగా ఉన్నారు. అది పూర్తయిన వెంటనే కొరటాల శివ ప్రాజెక్ట్ పట్టాలెక్కనుంది. ‘దేవర’తో సెన్సేషనల్ హిట్ కొట్టిన కొరటాల శివ, ఈ చిత్రంతో మరోసారి తన మార్క్ మేకింగ్ను చూపించబోతున్నారు. యువసుధ ఆర్ట్స్ మరియు SLV సినిమాస్ ఈ భారీ చిత్రాన్ని నిర్మిస్తున్నాయి.