NANI : ప్యారడైజ్ ఆగస్టు రిలీజ్ పోస్ట్ పోన్.. న్యూ రిలీజ్ డేట్ ఎప్పుడంటే

నేచురల్ స్టార్ నాని కెరీర్‌లోనే అత్యంత భారీ బడ్జెట్‌తో తెరకెక్కుతున్న ప్రతిష్టాత్మక చిత్రం ‘ప్యారడైజ్‘. దసరా దర్శకుడు శ్రీకాంత్ ఓదెల డైరెక్ట్ చేస్తున్న ఈ సినిమా  ఈ సినిమాపై టాలీవుడ్‌లో భారీ అంచనాలు నెలకొన్నాయి. ఆ మధ్య రిలీజ్ చేసిన గ్లిమ్స్ తో సెన్సేషన్ క్రియేట్ చేసింది ప్యారడైజ్.  అయితే  ఈ భారీ బడ్జెట్ చిత్రాన్ని ఈ ఏడాది ఆగస్టు 21న విడుదల చేయాలని చిత్ర బృందం భావించింది. కానీ, తాజా సమాచారం ప్రకారం ఈ సినిమా అనుకున్న సమయానికి రావడం లేదు.

అదే డేట్ కు మైత్రి మూవీస్ నిర్మిస్తున్న రవితేజ లేటెస్ట్ సినిమా ఇరుముడి రిలీజ్ చేస్తున్నట్టు ప్రకటించారు. ప్యారడైజ్ ఆలస్యానికి కొన్ని ప్రత్యేక కారణాలు ఉన్నాయి. ఈ సినిమా ఇంకా సెకండ్ హాఫ్ షూటింగ్ పెండింగ్ ఉందని అది ఫినిష్ చేసుకుని పోస్ట్ ప్రొడక్షన్ పనులు అవడానికి కాస్త ఆలస్యం కావడం వల్లే సినిమా విడుదలను వాయిదా వేయాల్సి వచ్చినట్లు ఫిలిం నగర్ టాక్. ఆగస్టు 21న మిస్ అయిన ఈ సినిమా కేవలం కొన్ని వారాల గ్యాప్‌తో సెప్టెంబర్ మిడ్ వీక్ లో రిలీజ్ చేయాలనీ భావిస్తున్నారు. అందుకు తగ్గట్టు టార్గెట్ పెట్టుకుని షూటింగ్ ను జెట్ స్పీడ్ లో చేస్తున్నారు మేకర్స్.  త్వరలోనే ఈ కొత్త విడుదల తేదీపై చిత్ర నిర్మాణ సంస్థ నుండి అధికారిక ప్రకటన వెలువడే అవకాశం ఉంది. ఎంత ఆలస్యం అయిన ప్యారడైజ్ అవుట్‌పుట్ అదురుతుందని ఈ నాని కెరీర్ లో బిగ్గెస్ట్ హిట్ గా ప్యారడైజ్ నిలుస్తుందని యూనిట్  చాలా కాన్ఫిడెంట్ గా ఉంది.