HIT : నాని నిర్మాతగా మాస్ మహారాజ్ హీరోగా
రీసెంట్గా ‘సరిపోదా శనివారం’తో మాసివ్ హిట్ కొట్టిన న్యాచురల్ స్టార్ నాని, ప్రస్తుతం ‘హిట్ 3’ ఫ్రాంచైజ్ చేస్తున్నాడు. హిట్ సిరీస్ దర్శకుడు శైలేష్ కొలను ఈ సినిమాకు దర్శకత్వం వహిస్తున్నాడు. ఇప్పటికే షూటింగ్ జరుపుకుంటున్న ఈ చిత్రంలో నాని పవర్ ఫుల్ పోలీస్ ఆఫీసర్గా కనిపించనున్నాడు. లేటెస్ట్గా రిపబ్లిక్ డే సందర్భంగా కొత్త పోస్టర్ రిలీజ్ చేయగా అర్జున్ సర్కార్గా నాని మాస్ లుక్లో కనిపించాడు. ఇప్పటికే ఈ ఫ్రాంచైజీలో మాస్ కా దాస్ విశ్వక్ సేన్, అడివి శేష్ నటించగా HIT -3 కోసం ఏకంగా నాని రంగంలోకి దిగాడు. కాగా ఇప్పడు హిట్ 3 క్లైమాక్స్లో ఒక మాస్ హీరో కనిపిస్తారని తెలుస్తోంది.
Also Read : WAR 2 : జూనియర్ ఎన్టీఆర్ కోసం సూపర్ స్టార్ మహేష్ బాబు..?
అయితే ఆ హీరో మాస్ మహారాజ్ రవితేజ అని ఇప్పటికే అందుకు సంబంధించి చర్చలు ముగిశాయని కూడా సమాచారం. పోలీస్ పాత్రల్లో కనిపించడం రవితేజకు కొత్తేమి కాదు గతంలో క్రాక్, పవర్, విక్రమార్కుడు వంటి సినిమాలలో నటించి సూపర్ హిట్ సినిమాలలో పవర్ఫుల్ పోలీస్ గా మెప్పించాడు రవితేజ. ఇప్పుడు HIT 4 లోరూత్ లెస్ కాప్ గా కనిపించనున్నారు. ప్రస్తుతం HIT 3 షూట్ శరవేగంగా జరుగుతోంది. ఇప్పటికే దాదాపు 75 % షూట్ ఫినిష్ చేసుకున్న ఈ సినిమా ఈ ఏడాది సమ్మర్ కానుకగా మే 1 న వరల్డ్ వైడ్ గా రిలీజ్ కానుంది. ఈ సినిమా నుండి వచ్చిన ప్రమోషనల్ కంటెంట్ సినిమాపై మరింత క్రేజ్ ను పెంచుతోంది. రవితేజ నటించనున్న విషయం సినిమా రిలీజ్ టైమ్ లోనే ప్రకటిస్తారా లేదా ముందుగానే వెల్లడిస్తారా అనేది మేకర్స్ నుండి క్లారిటీ రావాల్సి ఉంది