మలయాళ సూపర్ స్టార్ మోహన్లాల్ కుమార్తె విస్మయ మోహన్లాల్ నాయికగా పరిచయమైన చిత్రం ‘తొడక్కమ్‘. ఈనెల 7న రిలీజ్ అయిన ఈ సినిమా బాక్సాఫీస్ వద్ద సూపర్ స్టార్ట్ అందుకుంది. జూడ్ ఆంథనీ జోసెఫ్ దర్శకత్వంలో తెరకెక్కిన ఈ యాక్షన్ థ్రిల్లర్ మూవీ మొదటి రోజు నుంచే సంచలన వసూళ్లను సాధిస్తూ బ్లాక్బస్టర్ దిశగా దూసుకుపోతోంది.
విడుదలైన రోజు కేరళలో రూ. 2.60కోట్లతో మంచి ఓపెనింగ్ అందుకుని మౌత్ టాక్ తో మూడో రోజైన ఆదివారం రోజున కేరళ బాక్సాఫీస్ వద్ద ఈ చిత్రం ఏకంగా రూ. 4.10 కోట్ల శ్రేణిలో వసూళ్లను రాబట్టింది. దీంతో తొలి 3 రోజుల్లో కేవలం కేరళలోనే ఈ సినిమా మొత్తం రూ. 10.45 కోట్ల గ్రాస్ అందుకుని సరికొత్త రికార్డును నమోదు చేసింది. కేరళలోనే కాకుండా ఓవర్సీస్, ఇతర రాష్ట్రాల్లోనూ ‘తొడక్కమ్’ చిత్రాన్ని ప్రేక్షకులు బ్రహ్మరథం పడుతున్నారు. ప్రపంచవ్యాప్తంగా ఈ సినిమా మొదటి 3 రోజుల్లో దాదాపు రూ. 23.40 కోట్ల వసూళ్లను రాబట్టి సత్తా చాటింది. ఈ వసూళ్లతో మలయాళ చిత్రసీమ చరిత్రలో లేడీ ఓరియంటెడ్ చిత్రాల్లో అత్యధిక ఓపెనింగ్ సాధించిన రెండో చిత్రంగా ‘తొడక్కమ్’ రికార్డులకెక్కింది. కళ్యాణి ప్రియదర్శిని హీరోయిన్ గా వచ్చిన ‘లోక’ ఫీమేల్ ఓరియెంటెడ్ సినిమాల్లో టాప్ గ్రాసర్ గా రికార్డ్ చేయగా ఇప్పుడు తొడక్కమ్ అంతే స్థాయిలో ఓపెనింగ్స్ సాధించిన ఫిమేల్ సెంట్రిక్ మూవీలో రికార్డ్స్ బ్రేక్ చేస్తుంది. తొలి సినిమాతోనే బాక్సాఫీస్ వద్ద గ్రాండ్ సక్సెస్ సాధించడంతో విస్మయ మోహన్లాల్ “బ్లాక్బస్టర్ స్టార్”గా నెటిజన్స్, ట్రేడ్ వర్గాలు పేర్కొంటున్నాయి.