Mega Surprise: మా ఇంటి బంగారానికి చిరు సత్కారం

స్టార్ హీరోయిన్ సమంత రూత్ ప్రభు ప్రధాన పాత్రలో నటించిన లేటెస్ట్ యాక్షన్ ఫ్యామిలీ డ్రామా ‘మా ఇంటి బంగారం’ బాక్సాఫీస్ వద్ద ఘన విజయాన్ని సాధించి, సంచలన వసూళ్లతో దూసుకుపోతోంది. నందిని రెడ్డి దర్శకత్వంలో, ట్రాలాలా పిక్చర్స్ బ్యానర్‌పై సమంత, రాజ్ నిడిమోరు, హిమాంక్ దువ్వూరు సంయుక్తంగా నిర్మించిన ఈ చిత్రానికి ప్రేక్షకుల నుండి అద్భుతమైన రెస్పాన్స్ లభిస్తోంది. ఈ క్రేజీ సక్సెస్ నేపథ్యంలో చిత్ర యూనిట్‌కు ఒక అపురూపమైన మెగా సర్ప్రైజ్ లభించింది.

‘మా ఇంటి బంగారం’ సాధించిన ఈ అద్భుతమైన ప్రత్యేక విజయం పట్ల టాలీవుడ్ మెగాస్టార్ చిరంజీవి, ఆయన సతీమణి సురేఖ స్పందించారు. చిత్ర బృందం సాధించిన ఘనతను అభినందిస్తూ.. మెగాస్టార్ దంపతులు ‘మా ఇంటి బంగారం’ చిత్ర యూనిట్ మొత్తాన్ని ప్రత్యేకంగా కలిసి ప్రశంసల జల్లు కురిపించారు. సినిమా కంటెంట్, సమంత నటన, నందిని రెడ్డి టేకింగ్ ఇలా ప్రతి ఒక్క అంశాన్ని వారు మెచ్చుకున్నట్లు సమాచారం. సమంతతో పాటు నిర్మాణ సంస్థ ‘ట్రాలాలా పిక్చర్స్’ టీమ్‌కు మెగాస్టార్ దంపతుల నుండి లభించిన ఈ అప్రిసియేషన్ సినిమా రేంజ్‌ను మరింత పెంచిందని అభిమానులు కామెంట్లు పెడుతున్నారు. చాలా కాలం తర్వాత వెండితెరపై సమంత పవర్‌ఫుల్ లేడీ ఓరియెంటెడ్ యాక్షన్ డ్రామాతో వచ్చి బాక్సాఫీస్ వద్ద భారీ కలెక్షన్లు కొల్లగొడుతున్న తరుణంలో మెగాస్టార్ చిరంజీవి నుండి ఇలాంటి గ్రాండ్ సపోర్ట్ లభించడం చిత్ర యూనిట్‌లో సరికొత్త జోష్ నింపింది.