Kingdom: అనుకున్నంతా అయ్యింది!

విజయ్ దేవరకొండ హీరోగా నటిస్తున్న కింగ్‌డమ్ సినిమా ఇప్పటికే చాలాసార్లు వాయిదా పడింది. ఈ సినిమాను వచ్చే నెల నాలుగో తేదీన రిలీజ్ చేస్తామని అధికారికంగా ప్రకటించారు. అయితే, ఆ తేదీ నుంచి మరోసారి వాయిదా పడే అవకాశం ఉందని అంటున్నారు. ఎందుకంటే, పవన్ కళ్యాణ్ హీరోగా నటిస్తున్న హరిహర వీరమల్లు సినిమా జూన్ 12వ తేదీన రిలీజ్ కావాల్సి ఉంది. అయితే, ఆ సినిమా సీజీ వర్క్స్ పూర్తి కాకపోవడంతో పాటు ఇతర కారణాలతో సినిమాను వాయిదా వేస్తున్నట్లు అధికారికంగా ప్రకటించారు.

Also Read: Samantha : శరీరంపై ఆ టాటూ తొలగించిన సమంత

ఇప్పుడు ఆ సినిమా జూన్ 27వ తేదీ కోసం ప్రయత్నాలు చేస్తోంది. కానీ, అప్పుడు కన్నప్ప సినిమా వాయిదా వేసుకోవడానికి ఇష్టపడక మంచు విష్ణు అండ్ కో చెప్పడంతో ఆ తేదీకి హరిహర వీరమల్లు రావడం కష్టమే. ఆ తర్వాత వారం, అంటే జూలై 4వ తేదీన, కింగ్‌డమ్ సినిమా రిలీజ్‌కు రెడీగా ఉంది. అయితే, పవన్ కళ్యాణ్ నిర్మాత ఏ.ఎం. రత్నం అభ్యర్థన మేరకు నాగ వంశీ తమ సినిమాను వాయిదా వేసేందుకు గ్రీన్ సిగ్నల్ ఇచ్చినట్లు తెలుస్తోంది.

Also Read: SSMB29: మహేష్ బాబు సినిమాలో మరో సీనియర్ స్టార్ హీరో?

నిజానికి, పవన్ కళ్యాణ్‌తో అత్యంత సన్నిహితంగా ఉండే త్రివిక్రమ్ సూచనలతోనే సితార ఎంటర్‌టైన్‌మెంట్స్, హారిక అండ్ హాసిని క్రియేషన్స్ సంస్థలు నడుస్తూ ఉంటాయి. కాబట్టి, అది పెద్ద కష్టమేమీ కాదని అంటున్నారు. మొత్తం మీద, పవన్ కళ్యాణ్ హరిహర వీరమల్లు జూలై 4వ తేదీన రిలీజ్ అయితే కింగ్‌డమ్ వాయిదా పడే అవకాశం ఉంది. ఒకవేళ జూలై 4వ తేదీన పవన్ సినిమా రాకపోతే, అప్పుడు కింగ్‌డమ్ అదే రోజు రిలీజ్ అయ్యే అవకాశం ఉందని అంటున్నారు.