Kingdom: ‘కింగ్డమ్’ సెన్సేషన్ – 3 రోజుల్లో ఎంత వసూలు చేసిందంటే ?
- విజయ్ దేవరకొండకి గట్టి హిట్ ఇచ్చిన ‘కింగ్డమ్’
- మూడు రోజుల్లోనే రూ.67 కోట్ల గ్రాస్ కలెక్షన్స్
- నార్త్ అమెరికాలో 1 మిలియన్ డాలర్ క్లబ్లోకి ‘కింగ్డమ్’
విజయ్ దేవరకొండకి ఎంతో అవసరమైన సక్సెస్ను అందిస్తూ, ‘కింగ్డమ్’ సినిమా బాక్సాఫీస్ వద్ద ఘన విజయాన్ని నమోదు చేసింది. రిలీజ్ అయిన మొదటి మూడు రోజుల్లోనే వరల్డ్ వైడ్గా రూ.67 కోట్ల గ్రాస్ వసూళ్లను సాధించి, ఈ సినిమా టాలీవుడ్లో మరో బ్లాక్బస్టర్గా నిలిచింది. వీక్ డే అయినా గురువారం విడుదలైన ఈ సినిమా, ఫస్ట్ డేనే ఏకంగా రూ.39 కోట్లు వసూలు చేసింది. ఈ మెస్మరైజింగ్ ఓపెనింగ్ తర్వాత శుక్రవారం, శనివారాల్లో కూడా కలెక్షన్స్ తగ్గలేదు. థియేటర్స్కి వచ్చిన ప్రేక్షకుల మౌత్టాక్ సినిమాకు మరింత జోష్ అందించింది. ఫ్యామిలీ సెంటిమెంట్, కథా నేపథ్యం, యాక్షన్ థ్రిల్లింగ్ స్క్రీన్ప్లే ప్రేక్షకులను ఆకట్టుకున్నాయి.
Also Read:OG: ‘ఓజీ’ పాట పాడిన ఆహా తెలుగు ఇండియన్ సింగర్స్
స్వదేశంలోనే కాకుండా విదేశాల్లోనూ ‘కింగ్డమ్’ బాక్సాఫీస్ను షేక్ చేస్తోంది. ముఖ్యంగా నార్త్ అమెరికా మార్కెట్లో ఈ సినిమా ఇప్పటికే 1 మిలియన్ డాలర్ల మార్క్ను దాటి దూసుకుపోతోంది. ఇది విజయ్ దేవరకొండకు అక్కడి మార్కెట్లో రెండో సాలిడ్ హిట్గా నిలుస్తుందని ట్రేడ్ వర్గాల అంచనా. ఈ ట్రెండ్ను బట్టి చూస్తే, ‘కింగ్డమ్’ తొలి వారం చివరికి ₹100 కోట్ల క్లబ్లో చేరడం ఖాయం అనిపిస్తోంది. దర్శకుడు గౌతమ్ తిన్ననూరి రూపొందించిన ఈ ఇంటెన్స్ స్పై యాక్షన్ డ్రామా అన్నదమ్ముల అనుబంధాన్ని చర్చించడంతోపాటు, విజయ్ దేవరకొండని మళ్లీ గట్టిగా నిలబెట్టింది. గత కొద్ది సినిమాల్లో విజయ్ దేవరకొండను విజయాలు ఎక్కువగా పలకరించలేదు. అయితే ‘కింగ్డమ్’ మాత్రం అతడి కెరీర్కి మళ్లీ పుంజుకునే మార్గాన్ని సృష్టించింది.