JD Chakravarthy: “అమ్మాయిలకే కాదు.. అబ్బాయిలకూ కాస్టింగ్ కౌచ్ ఉంటుంది!” జేడీ చక్రవర్తి షాకింగ్ కామెంట్స్..

JD Chakravarthy: టాలీవుడ్ సీనియర్ నటుడు జేడీ చక్రవర్తి ఎప్పుడూ తనదైన శైలిలో మాట్లాడుతూ.. వార్తల్లో నిలుస్తుంటారు. తాజాగా ఆయన ఎన్టీవీ నిర్వహించిన పాడ్‌కాస్ట్ షోలో పాల్గొని పలు ఆసక్తికర అంశాలపై నోరు విప్పారు. చాలా కాలంగా జేడీ చక్రవర్తి పెళ్లి గురించి సోషల్ మీడియాలో రకరకాల వార్తలు వస్తున్నాయి. ఆయనను ఈ విషయంపై ప్రశ్నించగా, “నేను పెళ్లి చేసుకున్నట్లు కనీసం నాకైనా చెప్పండి” అంటూ తనదైన శైలిలో చెప్పుకొచ్చారు. అంతేకాకుండా మహేశ్వరితో ఉన్న అనుబంధం, గతంలో వచ్చిన రూమర్ల గురించి కూడా ఆయన సరదాగా ఈ పాడ్‌కాస్ట్‌లో స్పందించారు.

సినిమా ఇండస్ట్రీలో ఉండే ‘కాస్టింగ్ కౌచ్’ గురించి మాట్లాడుతూ.. ఇది కేవలం అమ్మాయిలకే కాదు, అబ్బాయిలకు కూడా ఉంటుందని జేడీ చక్రవర్తి సంచలన వ్యాఖ్యలు చేశారు. “అబ్బాయిలకు కూడా కాస్టింగ్ కౌచ్ ఉంటుందా?” అని అడగ్గా అవుననే అర్థం వచ్చేలా ఆయన సమాధానమిచ్చారు. తన గురువు రామ్ గోపాల్ వర్మ (RGV) గురించి మాట్లాడుతూ.. ఆయన గురించి తనకు తెలిసినన్ని విషయాలు మరెవరికీ తెలియవని చెప్పారు. వర్మతో ఉన్న సాన్నిహిత్యం, ‘సత్య’ సినిమా విజయం వెనుక ఉన్న రహస్యాలను ఈ షోలో పంచుకోనున్నట్లు ప్రోమో ద్వారా అర్థమవుతోంది. తన సినిమాల్లో ఉండే ముద్దు సీన్ల గురించి మాట్లాడుతూ.. “నేను గ్లాస్ పెట్టుకుని ముద్దు పెట్టుకోవడం నేర్చుకున్నాను” అంటూ సరదాగా చెప్పుకొచ్చారు. ఈ పాడ్‌కాస్ట్‌లో జేడీ చక్రవర్తి తన కెరీర్‌లో ఎదుర్కొన్న సవాళ్లు, వివాదాలు, వ్యక్తిగత జీవితానికి సంబంధించిన అనేక విషయాలను పంచుకుటున్నట్లు ప్రోమో చూస్తే అర్థం అవుతుంది. ఈ ఫుల్ పాడ్‌కాస్ట్ త్వరలోనే ఎన్టీవీ యూట్యూబ్‌లో ప్రసారం కానుంది.