Jathara: ట్రెండు వాడేసుకుంటున్న ‘జాతర’
ప్రస్తుతం కొత్త తరం ఇండస్ట్రీలోకి వచ్చి బాక్సాఫీస్ వద్ద మ్యాజిక్ను క్రియేట్ చేస్తున్నారని ప్రత్యేకంగా చెప్పాల్సిన పని లేదు. మల్టీ టాలెంట్తో వస్తున్న యూత్ ఇండస్ట్రీలోకి కొత్త మేకింగ్, టేకింగ్ను తీసుకొస్తున్నారు అని చెప్పొచ్చు. దర్శక రచయితలుగా హీరోలుగా నటులుగా తమ తమ టాలెంట్లను చాటుకుంటున్న ఈ క్రమంలో ‘జాతర’ అనే చిత్రంతో మరో కొత్త టీం ఇండస్ట్రీలోకి రాబోతోంది.గల్లా మంజునాథ్ సమర్పణలో మూవీటెక్ ఎల్ఎల్సితో కలిసి రాధాకృష్ణ ప్రొడక్షన్ కంపెనీ పతాకంపై రాధాకృష్ణారెడ్డి, శివశంకర్ రెడ్డి ఈ చిత్రాన్ని నిర్మించారు. సతీష్ బాబు రాటకొండ నటిస్తూ, దర్శకత్వం వహించిన జాతర చిత్రానికి సంబంధించి ఇది వరకు రిలీజ్ చేసిన ఫస్ట్ లుక్ అందరినీ ఆకట్టుకుంది. నిజానికి ఈ మధ్య జాతర అనే పదం పుష్ప కారణంగా బాగా ఫేమస్ అయింది.
Jani Master: 36 రోజుల జైలు.. ఎట్టకేలకు బయటకొచ్చిన జానీ మాస్టర్
ఇప్పుడు అదే టైటిల్ తో ఈ సినిమాను తెరకెక్కిస్తున్నారు మేకర్స్. ఇంత వరకు ఎవ్వరూ టచ్ చేయని పాయింట్తో రగ్డ్గా, ఇంటెన్స్ డ్రామాతో జాతర చిత్రం రాబోతోందని మేకర్స్ చెబుతున్నారు. చిత్తూరు జిల్లా బ్యాక్ డ్రాప్లో జరిగే జాతర నేపథ్యంలో ఈ సినిమా నవంబర్ 8న థియేటర్లోకి రాబోతోందని అధికారికంగా ప్రకటించారు. ఇక ఈ సినిమాలో దీయా రాజ్ కథానాయికగా నటించగా.. ఆర్.కె. పిన్నపాల, గోపాల్ రెడ్డి, మహబూబ్ బాషా, సాయి విక్రాంత్ సహాయక పాత్రల్లో నటించారు. కె.వి. ప్రసాద్ సినిమాటోగ్రఫీని నిర్వహిస్తుండగా, శ్రీజిత్ ఎడవణ సంగీతం అందిస్తున్నారు. ఈ మూవీ నవంబర్ 8న భారీ ఎత్తున రిలీజ్ కాబోతోంది. సతీష్ బాబు రాటకొండ, దీయా రాజ్, ఆర్.కె. పిన్నపాల, గోపాల్ రెడ్డి, మహబూబ్ బాషా, సాయి విక్రాంత్ ఈ సినిమాలో కీలక పాత్రల్లో నటిస్తున్నారు.