Jagapathi Babu: ఒకప్పటి స్టార్ హీరో.. రోడ్డుపై అంతలా తిరిగినా ఎవరూ గుర్తుపట్టలేదు? వైరల్ అవుతున్న వీడియో!

Jagapathi Babu: గ్లోబల్ స్టార్ రామ్ చరణ్ – సెన్సేషనల్ డైరెక్టర్ బుచ్చిబాబు సానా కాంబినేషన్‌లో వస్తున్న మోస్ట్ అవేటెడ్ మూవీ ‘పెద్ది’ (Peddi). ఈ సినిమాలో విలక్షణ నటుడు జగపతి బాబు పోషిస్తున్న ‘అప్పలసూరి’ పాత్రకు సంబంధించిన ఒక మైండ్ బ్లోయింగ్ ఇన్సిడెంట్ ఇప్పుడు సోషల్ మీడియాను షేక్ చేస్తోంది. క్యారెక్టర్ డిమాండ్ చేస్తే ప్రాణం పెట్టే నటుల్లో జగపతి బాబు ఒకరు. విలన్‌గా, క్యారెక్టర్ ఆర్టిస్ట్‌గా సెకండ్ ఇన్నింగ్స్‌లో దూసుకుపోతున్న జగ్గూభాయ్.. తాజాగా చేసిన ఒక సాహసోపేతమైన ప్రయత్నం ఇప్పుడు టాలీవుడ్‌లో హాట్ టాపిక్‌గా మారింది. రామ్ చరణ్ నటిస్తున్న ‘పెద్ది’ చిత్రంలో ఆయన ‘అప్పలసూరి’ అనే పవర్‌ఫుల్ రోల్ చేస్తున్న సంగతి తెలిసిందే. అయితే ఈ క్యారెక్టర్ గెటప్‌లో ఆయన ఏకంగా హైదరాబాద్ రోడ్లపై సాధారణ ప్రజల మధ్య తిరిగినా.. ఎవరూ గుర్తుపట్టలేకపోయారనే షాకింగ్ విషయాన్ని ఆయనే స్వయంగా వెల్లడించారు.

తాజాగా జగపతి బాబు తన అధికారిక X ఖాతా ద్వారా షేర్ చేసిన ఒక ప్రత్యేక వీడియో ఇప్పుడు నెట్టింట తెగ వైరల్ అవుతోంది. ఈ వీడియోలో ఆయన బట్టతల క్యాప్, ప్రోస్తెటిక్స్ మేకప్, తెల్లటి గడ్డంతో పూర్తి డీగ్లామరైజ్డ్ లుక్‌లో కనిపించారు. పంచె కట్టుకుని, పక్కా లోకల్ అప్పలసూరి అవతారంలో నగర రహదారులపై సాధారణ వ్యక్తిలా నడుచుకుంటూ వెళ్లారు. పక్కనే వందలాది మంది జనాలు, భారీ ట్రాఫిక్ ఉన్నప్పటికీ.. కళ్లముందున్నది ఒకప్పటి స్టార్ హీరో జగపతి బాబు అని ఎవ్వరూ ఊహించలేకపోయారు. అంతలా ఆయన ఆ పాత్రలో లీనం అయ్యి, ఆ జనాల్లో సాధారణ మనిషిగా మారిపోయారు. ప్రస్తుతం ఈ మైండ్ బ్లోయింగ్ ట్రాన్స్‌ఫార్మేషన్ వీడియోపై సోషల్ మీడియాలో అభిమానులు, సినీ విశ్లేషకులు ప్రశంసల వర్షం కురిపిస్తున్నారు.

“ఇది కేవలం నటన కాదు.. సినిమాపై ఆయనకున్న తపస్సు” అంటూ నెటిజన్లు కామెంట్లు పెడుతున్నారు. బుచ్చిబాబు సానా మలిచిన ఈ పాత్ర కోసం జగపతి బాబు పడిన కష్టం, చూపించిన డెడికేషన్ చూస్తుంటే థియేటర్లలో అప్పలసూరి క్యారెక్టర్ ఏ రేంజ్‌లో విధ్వంసం సృష్టించబోతుందో అర్థమవుతోందని కామెంట్స్ చేస్తున్నారు. ఈ క్రేజీ ఎక్స్‌పీరియన్స్‌పై జగపతి బాబు స్పందిస్తూ.. “పాత్రలో పూర్తిగా మునిగిపోవాలనే ఉద్దేశంతోనే ఈ ప్రయత్నం చేశాను. ప్రజల మధ్య అంతసేపు తిరిగినా నన్ను ఎవరూ గుర్తించకపోవడం ఒక నటుడిగా నాకు ఎంతో సంతోషాన్ని, సంతృప్తిని ఇచ్చింది” అని తన పోస్ట్‌లో పేర్కొన్నారు. ‘పెద్ది’ విషయానికి వస్తే.. రేపు (జూన్ 4, 2026) ప్రపంచవ్యాప్తంగా థియేటర్లలోకి రానుంది. విడుదలకి ముందే జగపతి బాబు షేర్ చేసిన ఈ ఒక్క వీడియోతో ‘పెద్ది’ సినిమాపై అంచనాలు ఆకాశాన్ని తాకాయి.

Appalasoori road na padina kooda yevaru gurthupattaledhu. #Peddi pic.twitter.com/eEDp94SUsO

— Jaggu Bhai (@IamJagguBhai) June 3, 2026