Pushpa -2 : బుక్ మై షో ‘కింగ్’ గా ఐకానిక్ స్టార్ అల్లు అర్జున్

ఐకాన్ స్టార్ అల్లు అర్జున్, నేషనల్ క్రష్ రష్మిక మందన్న జంటగా క్రియేటివ్ జీనియస్ సుకుమార్ దర్శకత్వంలో డిసెంబర్ 5వ తేదీన ప్రేక్షకుల ముందుకు వచ్చిన చిత్రం ‘పుష్ప 2 : ది రూల్’. దేవిశ్రీ ప్రసాద్ సంగీతం అందించిన ఈ సినిమాను భారీ బడ్జెట్ పై మైత్రీ మూవీస్ నిర్మించింది. రిలీజ్ అయిన మొదటి రోజు నుండి పుష్ప -2 రికార్డుల రపరప మొదలు పెట్టింది.

Also Read : Mollywood : రిస్క్ చేస్తోన్న మాలీవుడ్ ఇండస్ట్రీ.. తేడా వస్తే అంతే.!

ఒకవైపు వసూళ్లు పరంగా సెన్సేషన్ చేస్తున్న పుష్ప టికెట్స్ బుకింగ్స్ లోను టికెట్స్ పరంగాను ఈ సినిమా సరికొత్త రికార్డులు సృష్టిస్తోంది. ప్రముఖ టికెటింగ్ యాప్ బుక్ మై షోలో పుష్ప -2 ఆల్ టైమ్ రికార్డ్స్ సృష్టించింది. ఇప్పటి వరకు అత్యధిక టికెట్స్ బుక్ అయిన సినిమాగా కన్నడ స్టార్ హీరో యష్ నటించిన KGF -2 సినిమా 17.01 మిలియన్స్ బుకింగ్స్ తో టాప్ – 1 లో కొనసాగుతుండగా, ప్రభాస్ బాహుబలి -2, RRR రెండు మూడు ప్లేస్ లో ఉన్నాయి. అయితే ఈ సినిమాలను అధిగమించి పుష్ప ఇప్పుడు నంబర్ -1 స్తానం చేరుకుంది. డిసెంబరు 5న రిలీజ్ అయిన పుష్ప ఈ శనివారానికి 17.27 మిలియన్స్ తో కెజిఎఫ్ ను వెనక్కునెట్టి మొదటి ప్లేస్ ఆక్రమించాడు పుష్ప రాజ్. కేవలం 17 రోజుల్లోనే ఈ రేర్ ఫీట్ సాధించి బుక్ మై కింగ్ అనిపించుకున్నాడు ఐకానిక్ స్టార్ అల్లు అర్జున్.