ఉపేంద్ర సినిమాలే కాదు ఆలోచనలూ భిన్నమే

ఉపేంద్ర పేరు వినగానే ఆయన తీసిన భిన్నమైన సినిమాలు గుర్తుకు వస్తాయి. విపరీతపోకడలతో ఉండే ఆ సినిమాలు యువతను బాగా ఆకట్టుకున్నాయి. ఇటీవల కాలంలో సక్సెస్ దూరమైనా ప్రజలకు సేవచేయాలనే ఉద్దేశంతో పలు సేవాకార్యక్రమాలు చేపడతూ వస్తున్నారు ఉపేంద్ర. ఇక లాక్ డౌన్ తో షూటింగ్ లేక ఖాళీగా ఉన్న ఉపేంద్రకు వింత ఆలోచన వచ్చింది. వచ్చిందే తడవు దానికి అక్షర రూపం ఇచ్చి సోషల్ మీడియాలో పోస్ట్ చేశాడు. ఆయన రాసిన ఆ లేఖ సారంశం ఏమిటో చూద్దాం. ‘నాకు కర్నాటక సీఎం కావాలని ఉంది. ఎన్నికల్లో పోటీచేస్తే గెలిపిస్తారా? నన్ను గెలిపిస్తే నిరంతరం ప్రజా సేవలోనే ఉంటాను. సీఎం (కామన్ మ్యాన్) అనే పదానికి సరైన నిర్వచనం ఇస్తాను. ఖర్చు చేసే ప్రతి పైసాకు జవాబుదారీగా ఉంటాను. మీ నిర్ణయమే శిరోధార్యం’ అని ఆ లేఖలో ఉపేంద్ర పేర్కొన్నారు. ప్రస్తుతం ఉపేంద్ర కన్నడ తెలుగు ద్విభాషా చిత్రంలో నటిస్తున్నాడు. తెలుగులో మెగా హీరో వరుణ్ తేజ్ నటిస్తున్న ‘గని’ చిత్రంలో ముఖ్య పాత్రలో కనిపించనున్నారు. మరి ఉపేంద్ర లేఖను ప్రజలు సీరియస్ గా తీసుకుంటారా? లేక లైట్ తీసుకుని వదిలేస్తారో? చూద్దాం.