Feel Good: కుర్రకారు ‘వైబ్’ మార్చేస్తున్న ‘మమ్మా మియా’
- Follow Us :
-
-
Add as a preferred
source on google
ప్రేమకథలకు సంగీతమే ప్రాణం. అందులోనూ నేటి జనరేషన్ వాడుతున్న ట్రెండీ పదాలతో అదిరిపోయే ట్యూన్ పడితే.. ఇక నెట్టింట ఆ పాట క్రియేట్ చేసే ‘హైప్’ మామూలుగా ఉండదు. సరిగ్గా ఇప్పుడు ఇదే ఫార్ములాతో యూత్ ఆడియన్స్‌ను ఉర్రూతలూగిస్తోంది ‘ఫీల్ గుడ్’ సినిమాలోని తాజా గీతం. విశ్వరూప ఫిల్మ్స్ బ్యానర్‌పై హీరో సుచిత్ స్వయంగా నిర్మిస్తూ, నటిస్తున్న ఈ రొమాంటిక్ కామెడీ ఎంటర్‌టైనర్ నుంచి తాజాగా విడుదలైన ‘మమ్మా మియా’ ఫుల్ సాంగ్ ఇప్పుడు టాలీవుడ్ సర్కిల్స్‌లో సెన్సేషన్ అవుతోంది.
‘వైబ్’, ‘సింక్‌’, ‘ట్రెండ్‌’, ‘హైప్’.. ఇవి కేవలం ఇంగ్లీష్ పదాలు కావు, నేటి కుర్రకారు రోజువారీ జీవితంలో వాడుతున్న ఎమోషన్స్. ఈ ట్రెండీ క్యాచీ వర్డ్స్‌ను కలగలిపి దర్శకుడు దయానంద్, గీత రచయిత కడలి సత్యనారాయణ ఈ పాటను అద్భుతంగా డిజైన్ చేశారు. శాండిల్య పిసపాటి సమకూర్చిన ఎనర్జిటిక్ ట్యూన్, దానికి తోడు తుషార నిలయ, శాండిల్య పిసపాటి మధురమైన గాత్రం ఈ పాటకు కొత్త కళను తీసుకొచ్చాయి. ప్రేమలోని మ్యాజిక్‌ను, స్నేహాన్ని, ఉత్సాహాన్ని సెలబ్రేట్ చేసుకునేలా ఉన్న ఈ పాట క్షణాల్లోనే యూత్ ప్లే లిస్ట్‌లోకి ఎక్కేస్తోంది.
సుచిత్, అదితి త్రిపాఠి జంటగా నటిస్తున్న ఈ చిత్రానికి దర్శకుడు దయానంద్ కథ, స్క్రీన్‌ప్లే అందిస్తూ ఎడిటింగ్ బాధ్యతలు కూడా తీసుకోవడం విశేషం. మహికాంత్ సినిమాటోగ్రఫీ విజువల్స్ చాలా ఫ్రెష్‌గా, కలర్‌ఫుల్‌గా యూత్‌ను ఎట్రాక్ట్ చేసేలా ఉన్నాయి. రావూరి ప్రియాంక, లికిత్, రణధీర్ వాసుదేవ్, సాయిఫణి, దివ్య మోహన్ తదితరులు ఈ సినిమాలో కీలక పాత్రలు పోషిస్తున్నారు.
హీరోగానే కాకుండా ప్రొడ్యూసర్‌గానూ పక్కా ప్లానింగ్‌తో అడుగులు వేస్తున్న సుచిత్.. ఈ ‘ఫీల్ గుడ్’ మూవీతో తన మార్క్ చూపించడానికి సిద్ధమవుతున్నాడు. ప్రస్తుతం పోస్ట్ ప్రొడక్షన్ పనుల్లో బిజీగా ఉన్న ఈ చిత్రాన్ని త్వరలోనే థియేటర్లలోకి తీసుకురావడానికి మేకర్స్ సన్నాహాలు చేస్తున్నారు. ‘మమ్మా మియా’ పాట క్రియేట్ చేసిన పాజిటివ్ బజ్‌తో, ఈ మూవీ బాక్సాఫీస్ వద్ద కూడా సాలిడ్ హిట్ కొట్టడం ఖాయంగా కనిపిస్తోంది.