Devara: దేవర ‘ఈవెంట్’లో గందరగోళం.. అభిమానులకి షాక్?
Devara Pre Release Event Chaos: జూనియర్ ఎన్టీఆర్ హీరోగా నటించిన దేవర సినిమా ప్రీ రిలీజ్ ఈవెంట్ వేదిక వద్ద గందరగోళ పరిస్థితులు ఏర్పడ్డాయి. దేవర సినిమా సెప్టెంబర్ 27వ తేదీన రిలీజ్ అవుతున్న నేపథ్యంలో ఈరోజు సాయంత్రం ఐదు గంటల నుంచి ప్రీ రిలీజ్ వేడుకలు జరుగుతాయని ప్రకటించారు. అయితే కొద్ది మొత్తంలోనే ఫ్యాన్స్ కి పాసులు జారీ చేశారు. పాసులు లేని అభిమానులు సైతం ఈవెంట్ వీక్షించేందుకు వేదిక వద్దకు భారీగా చేరుకున్నారు. ఈ నేపథ్యంలోనే అక్కడ తొక్కసలాంటి పరిస్థితులు ఏర్పడ్డాయి. ఒక్కసారిగా అభిమానులను లోపలికి వదలడంతో నోవోటేల్ వద్ద ఉన్న ఒక అద్దం ధ్వంసమైంది. దీంతో వెంటనే అప్రమత్తమైన నోవోటల్ సిబ్బంది అసలు ఇక్కడ ఈవెంట్ క్యాన్సిల్ చేసేసామని చెప్పి అభిమానులను వెనక్కి పంపే ప్రయత్నం చేస్తున్నట్లుగా తెలుస్తోంది.
Devara Pre Release Event: దేవర ‘విధ్వంసం’.. అద్దాలు పగలకొట్టిన ఫాన్స్?
అయితే ఈవెంట్ నిర్వహిస్తున్న శ్రేయస్ మీడియా సంస్థ మాత్రం ఈవెంట్ కి ఎలాంటి ఢోకా లేదని, చేస్తామని అయితే పరిస్థితి చక్కబెట్టడానికి కొంత సమయం పడుతుంది అని చెబుతున్నట్లుగా సమాచారం. అయితే ఈ వేడుకకు భద్రత కల్పించేందుకు వచ్చిన పోలీసు అధికారులు సైతం ఈవెంట్ క్యాన్సిల్ అయిపోయింది అంటూ వస్తున్న అభిమానులకు వెనక్కి పంపే ప్రయత్నం చేస్తున్నట్లు తెలుస్తోంది. ఈ మేరకు పలు వీడియోలు సోషల్ మీడియాలో వైరల్ అవుతున్నాయి. అయితే ఇంకా సినిమా యూనిట్ సభ్యులు ఎవరూ వేదిక వద్దకు రాలేదు. వారు రాకముందే పరిస్థితి ఇలా ఉంటే వారు వచ్చిన తర్వాత పరిస్థితిని ఎలా హ్యాండిల్ చేస్తారనేది ఇప్పుడు హాట్ టాపిక్ అవుతుంది. అసలు ఈ ఈవెంట్ చేస్తారా? లేదా? అనే విషయం మీద కూడా అనుమానాలు వ్యక్తమవుతున్నాయి.