Mega 158 Update: ‘మెగా 158’ నుంచి ఊరమాస్ అప్‌డేట్! బాబీ మార్క్ ‘స్వాగ్’తో బాస్ లుక్.. చూశారా?

Mega 158 Update: వాల్తేరు వీరయ్య వంటి బ్లాక్ బస్టర్ హిట్ తర్వాత మెగాస్టార్ చిరంజీవి – బాబీ కాంబినేషన్‌లో మరో సినిమా రాబోతుండటంతో దానిపై అంచనాలు ఆకాశాన్ని తాకుతున్నాయి. ఈ సక్సెస్‌ఫుల్ కాంబినేషన్‌లో రాబోతున్న ప్రతిష్టాత్మక చిత్రం వర్కింగ్ టైటిల్ #Mega158 గా ప్రచారంలో ఉంది. తాజా ఈ సినిమాకు సంబంధించి లుక్ టెస్ట్ నిర్వహిస్తున్నట్లు దర్శకుడు బాబీ అధికారికంగా వెల్లడించారు. ప్రస్తుతం మెగాస్టార్ చిరంజీవిపై లుక్ టెస్ట్ జరుగుతోంది. దీనికి సంబంధించిన ఒక ఫోటోను డైరెక్టర్ ఎక్స్‌లో షేర్ చేస్తూ, మెగాస్టార్ ‘స్వాగ్’ (Swag), స్టైల్‌ను సరికొత్తగా ఆవిష్కరించే పనిలో ఉన్నట్లు పేర్కొన్నారు. నిజానికి గత కొన్ని రోజులుగా ఈ సినిమాపై వస్తున్న రకరకాల రూమర్స్‌కు ఈ అప్‌డేట్‌తో తెరపడినట్లు అయ్యింది. సినిమా పనులు పక్కా ప్లానింగ్‌తో ట్రాక్‌లో ఉన్నాయని ఒక్క ఫోటోతో టీమ్ స్పష్టం చేసింది.

ఈ భారీ బడ్జెట్ చిత్రాన్ని కేవీఎన్ (KVN) ప్రొడక్షన్స్ అత్యంత ప్రతిష్టాత్మకంగా నిర్మిస్తోంది. మెగాస్టార్ పాత వింటేజ్ లుక్‌ను గుర్తు చేస్తూనే, ప్రస్తుత ట్రెండ్‌కు తగ్గట్టుగా ఆయన బాడీ లాంగ్వేజ్‌ను ఈ సినిమాలో బాబీ డిజైన్ చేస్తున్నట్లు సమాచారం. ఈ చిత్రంలో నటించబోయే ఇతర నటీనటులు, సాంకేతిక నిపుణుల వివరాలను చిత్ర యూనిట్ అతి త్వరలోనే అధికారికంగా ప్రకటించే అవకాశం ఉంది. ‘వాల్తేరు వీరయ్య’తో బాక్సాఫీస్‌ను షేక్ చేసిన ఈ జోడి, ఈసారి ఎలాంటి వండర్స్ క్రియేట్ చేస్తారో అని మెగా ఫ్యాన్స్‌తో పాటు సగటు సినిమా ప్రేక్షకులు ఆసక్తిగా ఎదురుచూస్తున్నారు.

Look test ☑️

Locked the look of #Mega158 with Megastar @KChiruTweets garu today 🤗

Can’t wait to begin this journey❤️‍🔥#ChiruBobby2 @KvnProductions @LohithNK01 pic.twitter.com/eWSLEqCqVN

— Bobby (@dirbobby) April 28, 2026