Mega158 Launch: మెగా సంబరానికి సర్వం సిద్ధం.. చిరంజీవి – బాబి కొత్త సినిమా ఓపెనింగ్‌కు అతిథులుగా ఆ ఇద్దరూ!

Mega158 Launch: ‘వాల్తేరు వీరయ్య’ వంటి ఇండస్ట్రీ హిట్ తర్వాత మెగాస్టార్ చిరంజీవి, సక్సెస్ ఫుల్ డైరెక్టర్ బాబి కాంబినేషన్‌లో తెరకెక్కబోయే సరికొత్త చిత్రం గ్రాండ్ ఓపెనింగ్‌కు సర్వం సిద్ధమైంది. ఈ సినిమా ముహూర్తపు పూజ కార్యక్రమాన్ని అత్యంత వైభవంగా నిర్వహించేందుకు చిత్రబృందం ఇప్పటికే ఏర్పాట్లు పూర్తి చేసింది. ఈ పూజా కార్యక్రమానికి ముఖ్య అతిథులుగా మెగాస్టార్ సోదరుడు, ఆంధ్రప్రదేశ్ డిప్యూటీ సీఎం పవన్ కళ్యాణ్ తో పాటు మెగా పవర్ స్టార్ రామ్ చరణ్ హాజరుకానున్నారు. ఒకే వేదికపై మెగాస్టార్, పవన్ కళ్యాణ్, రామ్ చరణ్‌లను చూడబోతుండటంతో మెగా అభిమానుల ఆనందానికి అవధులు లేకుండా పోయాయి.

ప్రముఖ నిర్మాణ సంస్థ కె.వి.ఎన్ ప్రొడక్షన్స్ బ్యానర్‌పై ఈ సినిమా అత్యంత ప్రతిష్టాత్మకంగా నిర్మాణం కానుంది. ఎక్కడా రాజీ పడకుండా భారీ బడ్జెట్‌తో, హై టెక్నికల్ వాల్యూస్‌తో ఈ చిత్రాన్ని నిర్మించనున్నట్లు మేకర్స్ తెలిపారు. డైరెక్టర్ బాబి తన మార్క్ మాస్ ఎలిమెంట్స్, ఎమోషన్స్‌తో చిరంజీవి బాడీ లాంగ్వేజ్‌కు సరిపోయేలా ఒక పవర్‌ఫుల్ స్క్రిప్ట్‌ను సిద్ధం చేసినట్లు సమాచారం. ఈ సినిమా ఓపెనింగ్ షాట్‌కు పవన్ కళ్యాణ్ క్లాప్ కొడతారా, చరణ్ కెమెరా స్విచ్చాన్ చేస్తారా అనే ఆసక్తికర విశేషాలు మరికొద్ది గంటల్లో అధికారికంగా వెలువడనున్నాయి. ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను మేకర్స్ త్వరలోనే అధికారికంగా ప్రకటించనున్నారు.

మెగాస్టార్ చిరంజీవి బాబి సినిమా ఓపెనింగ్ కి సర్వం సిద్ధం

ముహూర్తం పూజకు ముఖ్య అతిథులుగా హాజరుకానున్న మెగాస్టార్ సోదరుడు, డిప్యూటీ సీఎం పవన్ కళ్యాణ్, మెగా పవర్ స్టార్ రామ్ చరణ్ తేజ

కె.వి.ఎన్ ప్రొడక్షన్స్ బ్యానర్ పై అత్యంత ప్రతిష్టాత్మకంగా ఈ సినిమాని డైరెక్ట్ చేయనున్న బాబి… pic.twitter.com/dHFv7IyN6K

— NTV Breaking News (@NTVJustIn) May 21, 2026