Mega brothers at Mega158 Launch: మెగా అభిమానుల సంతోషానికి అవధులు లేకుండా పోయాయి. తమ అభిమాన నటులను ఒకే ఫ్రేమ్లో చూస్తే ఆ సంతోషాన్ని మాటల్లో వర్ణించడం సాధ్యం కాదు. ప్రస్తుతం మెగా అభిమానుల పరిస్థితి అదే. ఒకే ఫ్రేమ్లో మెగాస్టార్ చిరంజీవి – పవర్ స్టార్ పవన్ కళ్యాణ్ – మెగా బ్రదర్ నాగబాబు కనిపించే సరికి అభిమానుల ఆనందం అంతా ఇంతా కాదు. నిజానికి చిరు – బాబి కొత్త సినిమా ఓపెనింగ్ కార్యక్రమం అనేది కేవలం ఒక సినిమా ఓపెనింగ్ మాత్రమే కాదు.. మెగా అభిమానులకు కండ్లారా చూసి తరించే ఒక అద్భుతమైన పండగ రోజని చెప్పాలి. ‘వాల్తేరు వీరయ్య’ వంటి ఇండస్ట్రీ హిట్ తర్వాత మెగాస్టార్ చిరంజీవి, మాస్ డైరెక్టర్ బాబి కాంబినేషన్లో తెరకెక్కబోయే ప్రతిష్టాత్మక చిత్రం #Mega158 పూజా కార్యక్రమం గురువారం ఉదయం హైదరాబాద్లో అత్యంత వైభవంగా ప్రారంభమైంది.
చాలాకాలం తర్వాత ఒకే ఫ్రేమ్లో ‘ముగ్గురు అన్నదమ్ములు’
మెగా ఫ్యాన్స్ గత కొన్నేళ్లుగా దేనికోసమైతే వెయ్యి కళ్లతో ఎదురుచూస్తున్నారో.. ఆ అపురూప దృశ్యం ఈ వేదికపై ఆవిష్కృతమైంది. ఈ చిత్ర ముహూర్తపు వేడుకకు మెగాస్టార్ సోదరుడు, ఆంధ్రప్రదేశ్ డిప్యూటీ సీఎం పవన్ కళ్యాణ్ ముఖ్య అతిథిగా విచ్చేశారు. పవన్ కళ్యాణ్తో పాటు మెగా బ్రదర్ నాగబాబు కూడా ఈ వేడుకలో పాల్గొన్నారు. చాలాకాలం తర్వాత మెగాస్టార్ చిరంజీవి, డిప్యూటీ సీఎం పవన్ కళ్యాణ్, నాగబాబు.. ఈ ముగ్గురు అన్నదమ్ములు ఒకే ఫ్రేమ్లో నవ్వుతూ కనిపించడంతో ప్రస్తుతం ఈ వీడియోలో సోషల్ మీడియాలో వైరల్గా మారింది.
మెగాస్టార్ చిరంజీవి బాబి సినిమా ఓపెనింగ్
చాలాకాలం తర్వాత ఒకే ఫ్రేమ్లో కనిపించిన ముగ్గురు అన్నదమ్ములు
పండుగ చేసుకుంటున్న మెగా ఫ్యాన్స్#MegaBrothers #Chiranjeevi #PawanKalyan #Nagababu #Mega158 #ChiruBobby2 pic.twitter.com/GrQ6Z54xDp
— NTV Breaking News (@NTVJustIn) May 21, 2026