Lenin : లెనిన్’తో నాలుగు డబ్బింగ్ సినిమాల పోటీ!

ఏజెంట్ డిజాస్టర్ తర్వాత గ్యాప్ తీసుకొని లెనిన్ గా వస్తున్నాడు అఖిల్. పెద్దగా కాంపిటీషన్ లేని సమ్మర్ సీజన్ వదిలేసుకున్నాడు. మే 1న విడుదల కావలసిన ఈ రూరల్ యాక్షన్ డ్రామా జూన్ 26 కు పోస్ట్పోన్ చేసుకుంది. కానీ అక్కడి నుండి కూడా తప్పుకొని జూలై 10న ప్రేక్షకుల ముందుకు వస్తుంది. కానీ సోలోగా వచ్చే సీన్ లేదు, నాలుగైదు సినిమాలతో పోటీ పడాల్సి వస్తోంది ఈ మూవీ.

సలార్ తో వరదరాజ్ మన్నార్ గా రిజిస్టర్ అయిన మలయాళ హీరో పృథ్విరాజ్ సుకుమారన్ ‘ఐ నో బడీ’ మూవీతో శుక్రవారమే థియేటర్స్ లోకి వస్తున్నాడు. ఈ క్రైమ్ యాక్షన్ థ్రిల్లర్ ని తెలుగులోనూ డబ్ చేసి రిలీజ్ చేస్తున్నారు మేకర్స్. శ్రీ శ్రవంతి మూవీస్, మైత్రి మూవీ డిస్ట్రిబ్యూటర్స్ సంయుక్తంగా విడుదల చేస్తున్నాయి. కోలీవుడ్ హీరో అధర్వ మురళి కూడా టాలీవుడ్ మార్కెట్ టార్గెట్ చేస్తున్నాడు. తన ‘ఇదయం మురళి’ని ‘హృదయం మురళీ’గా ఇక్కడి ఆడియన్స్ ముందుకు తెస్తున్నాడు. కయాదు లోహర్, ప్రీతి ముకుందన్ హీరోయిన్స్ గా నటించిన ఈ సినిమాలో మ్యూజిక్ డైరెక్టర్ తమన్ కీ రోల్ ప్లే చేస్తున్నాడు. అలాగే ధనుష్ మేనల్లుడు పవిష్ హీరోగా, తెలుగు యూట్యూబర్ నాగదుర్గ డెబ్యూ ఫిలిం ‘లవ్ ఓ లవ్’ జూలై 10న రిలీజ్ కాబోతుంది. అలానే మాస్టర్ మహేంద్రన్ వసుదేవ సుతం కూడా అదే రోజు రిలీజ్ అవుతోంది.

లెనిన్ ట్రైలర్, టీజర్, తమన్ ఇచ్చిన సాంగ్స్ ఇంప్రెసివ్ గా అనిపించినప్పటికీ కంటెంట్ స్ట్రాంగ్ గా ఉంటేనే ఆడియన్స్ కు రీచ్ అయ్యేది. సినిమా పాజిటివ్ టాక్ తెచ్చుకుంటే ఎన్ని డబ్బింగ్ సినిమాలు వచ్చినా వాటిని బీట్ చేయగలదు. మరి లెనిన్ తో అఖిల్ ఓల్డ్ ఫ్లాప్ లెక్కలు సరిచేస్తాడా? కెరీర్ బిగినింగ్ నుండి సక్సెస్ కోసం ఎదురుచూస్తున్న భాగ్యశ్రీ బోర్సే ఖాతాలో ఓ హిట్ పడుతుందా లేదా అనేది ఈ శుక్రవారమే తేలిపోనుంది.