అక్షయ్ కుమార్ భూత్ బంగ్లాతో మూడేళ్ల ఫ్లాప్ పరంపరకు చెక్ పెట్టాడు. వెల్కమ్ టు ది జంగిల్ యావరేజ్ టాక్ రాగా, హైవాన్ మాత్రం ఆశించిన విజయాన్ని నమోదు చేయలేదు. అక్షయ్ కి మలయాళ రీమేక్ ఫ్లాప్ తెచ్చిపెడితే అజయ్ దేవగన్‌కు సోలో హీరోగా హిట్ తెచ్చిపెట్టింది దృశ్యం3. మాలీవుడ్ కథను నమ్ముకోకుండా కథ, కథనాలు మొత్తం మార్చేశాడు డైరెక్టర్ అభిషేక్ పాఠక్. అక్టోబర్ 2న రిలీజైన ఈ మూవీకి బీటౌన్ ఆడియన్స్ బ్రహ్మరథం పడుతున్నారు.
అజయ్ దేవగన్ కెరీర్‌లో ఫాస్టెస్ట్ హండ్రెడ్ క్రోర్ మూవీగా నిలిచింది దృశ్యం3. రెండు రోజుల్లోనే ఈ మార్క్ అందుకుంది ఫిల్మ్. ఐదు రోజుల్లోనే రూ. 230 కోట్లు గ్రాస్ రాబట్టుకుంది. మండే కూడా రూ. 21 కోట్లు వసూలు చేసి ఈ ఏడాది ఇండియా వ్యాప్తంగా ఫస్ట్ మండే అత్యధిక వసూళ్లను సాధించిన నాల్గవ సినిమాగా నిలిచింది. తొలిస్థానంలో రూ. 65 కోట్లతో రణవీర్ సింగ్ ధురంధర్: ది రివెంజ్ ఉండగా.. రెండు, మూడు స్థానాల్లో రూ. 59 కోట్లతో బోర్డర్2, రూ. 32.25 కోట్లతో మన శంకర్ వరప్రసాద్ చిత్రాలున్నాయి. సైతాన్ తర్వాత అజయ్ దేవగన్ ఖాతాలో సరైన సోలో హిట్ లేదు. గత ఏడాది సీక్వెల్స్ బెడిసికొట్టాయి. ఈ ఏడాది మల్టీస్టారర్ మూవీ కమ్ సీక్వెల్ ధమాల్4తో ఆడియన్స్ ముందుకు వచ్చాడు. డివైడ్ టాక్ వచ్చినా తట్టుకుని నిలబడి రూ. 220 కోట్లు కొల్లగొట్టింది ఈ అడ్వెంచర్ కామెడీ ఎంటర్టైనర్. ఇక సోలో హీరోగా మార్కెట్ కోల్పోతున్నాడేమోనని డౌట్ పడుతోన్న వేళ దృశ్యం3తో ఆ డౌట్ పటాపంచలు చేశాడు. నెక్ట్స్ గోల్ మాల్ 5, రేంజర్, చౌహాన్ చిత్రాలతో బిజీగా ఉన్నాడు అజయ్ దేవగన్.