Dacoit OTT Release Date: అడివి శేష్‌ ‘డెకాయిట్’ OTT రిలీజ్ డేట్ ఫిక్స్.. ఎక్కడ, ఎప్పుడు స్ట్రీమింగ్ అంటే?

Dacoit OTT Release Date: యంగ్ అండ్ టాలెంటెడ్ హీరో అడివి శేష్ – మృణాల్ ఠాకూర్ జంటగా నటించిన క్రేజీ ప్రాజెక్ట్ ‘డెకాయిట్’. ఏప్రిల్ 10న థియేటర్లలో విడుదలైన ఈ సినిమా బాక్సాఫీస్ వద్ద డీసెంట్ వసూళ్లను సాధించింది. అయితే ఈ సినిమా డిజిటల్ రిలీజ్ కోసం అభిమానులు ఎంతో ఆసక్తిగా ఎదురుచూస్తున్నారు. తాజాగా ఈ చిత్ర OTT విడుదలకు సంబంధించిన క్రేజీ అప్‌డేట్ వచ్చేసింది. తాజా సమాచారం ప్రకారం.. ‘డెకాయిట్’ డిజిటల్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది. మే 8వ తేదీ నుంచి ఈ సినిమా స్ట్రీమింగ్ కానున్నట్లు సమాచారం. తెలుగు, తమిళం, కన్నడ మలయాళ భాషల్లో మే 8 నుంచి అందుబాటులోకి రానుంది. హిందీ వెర్షన్ స్ట్రీమింగ్ మరికొన్ని రోజులు ఆలస్యంగా ఉండబోతోందని టాక్.

గతంలో ఈ సినిమా హక్కులను నెట్‌ఫ్లిక్స్ దక్కించుకుందని వార్తలు వచ్చినప్పటికీ, చివరి నిమిషంలో ప్రైమ్ వీడియో ఈ రేసులో గెలిచినట్లు సమాచారం. దీనిపై అధికారిక ప్రకటన వెలువడాల్సి ఉంది. షనీల్ డియో దర్శకత్వం వహించిన ఈ చిత్రం అడివి శేష్‌కు ఎంతో ప్రతిష్టాత్మకమైన ప్రాజెక్ట్. దీనిని తెలుగు, హిందీ భాషల్లో బైలింగువల్ మూవీగా తెరకెక్కించారు. ఈ సినిమాలో బాలీవుడ్ దర్శకుడు అనురాగ్ కశ్యప్ కీలక పాత్ర పోషించగా.. ప్రకాష్ రాజ్, అతుల్ కుల్కర్ణి, సునీల్, జైన్ మేరీ ఖాన్, కామాక్షి భాస్కర్ల తదితరులు ముఖ్య పాత్రల్లో నటించారు. యాక్షన్, ఎమోషనల్ లవ్ స్టోరీగా రూపొందిన ఈ చిత్రం, థియేటర్లలో మిస్ అయిన ప్రేక్షకులను ఇప్పుడు OTTలో అలరించడానికి సిద్ధమైంది.

డెకాయిట్ కథ:
హరి అలియాస్ హరిదాస్ (అడివి శేష్), కడప సెంట్రల్ జైల్లో శిక్ష అనుభవిస్తున్న ఖైదీ. తాను ప్రేమించి, ఆమె చేతిలో మోసపోయిన జూలియట్ అలియాస్ సరస్వతి (మృణాల్ ఠాకూర్) మీద ఎలాగైనా పగ తీర్చుకోవాలని భావిస్తూ ఉంటాడు. శిక్ష ముగించుకుని బయటకు వెళ్లిన తన జైల్ మేట్ (అతుల్ కులకర్ణి) సహాయంతో జైలు నుంచి తప్పించుకున్న హరి, తాను పగ తీర్చుకోవాలనుకున్న జూలియట్ మీద పగ తీర్చుకున్నాడా? అసలు ప్రాణంగా ప్రేమించిన జూలియట్ హరిని ఎందుకు వదిలేసింది? తన భర్త ప్రాణాలు దక్కించుకోవడానికి పోరాడుతున్న జూలియట్, భర్త ప్రాణాలను దక్కించుకున్నదా? ఆమె మీద పగ తీర్చుకోవడం కోసమే బయటకు వచ్చిన హరి, ఆమె మీద పగ తీర్చుకున్నాడా? లాంటి విషయాలు తెలియాలంటే సినిమాని చూడాల్సిందే.