Rathnam: ‘చెబుతావా’ అంటున్న ప్రియా భవాని శంకర్…దేవిశ్రీ ప్రసాద్ మెలోడీ భలే ఉంది బాసూ!

Chebuthaava Lyrical Video: త్వరలో హీరో విశాల్ రత్నం సినిమాతో ప్రేక్షకుల ముందుకు రాబోతున్నారు. ఈ రత్నం సినిమాలో విశాల్‌కి జోడిగా ప్రియా భవాని శంకర్ నటించింది. జీ స్టూడియోస్‌తో పాటు స్టోన్ బెంచ్ ఫిల్మ్స్ సంయుక్తంగా ‘రత్నం’ చిత్రాన్ని నిర్మిస్తుండగా కార్తికేయన్ సంతానం నిర్మాతగా వ్యవహరిస్తున్నారు. యాక్షన్ డైరెక్టర్ హరి ఈ మూవీకి దర్శకత్వం వహిస్తుండడంతో రత్నం మీద మంచి హైప్ ఏర్పడింది. ఈ మూవీని శ్రీ సిరి సాయి సినిమాస్ బ్యానర్ మీద తెలుగులో సీహెచ్ సతీష్ కుమార్, కె రాజ్ కుమార్ సంయుక్తంగా రిలీజ్ చేస్తున్నారు. ఆ సంగతి అలా ఉంచితే ఇప్పటి వరకు రిలీజ్ చేసిన గ్లింప్స్, సాంగ్స్ అన్నీ కూడా సోషల్ మీడియాలో మంచి ఆదరణను దక్కించుకున్నట్టు వెల్లడించింది.

Sahkutumbanaam: “సఃకుటుంబానాం” అంటున్న రాజేంద్ర ప్రసాద్ అండ్ కో!

ఇక ఈ మధ్యనే ఈ మూవీ షూటింగ్ పూర్తయినట్టు మేకర్లు ప్రకటించిన సంగతి తెలిసిందే. పోస్ట్ ప్రొడక్షన్ పూర్తి చేసుకుంటున్న ఈ సినిమా ఏప్రిల్ 26న విడుదల కానుంది. సినిమా విడుదల తేదీ దగ్గర పడుతున్న క్రమంలో ప్రమోషన్స్ లో వేగం పెంచగా తాజాగా ఈ సినిమా నుంచి మంచి మెలోడియస్, ఎమోషనల్ సాంగ్ ‘చెబుతావా’ని రిలీజ్ చేశారు. ఈ పాటకు శ్రీమణి సాహిత్యం, సింధూరి విశాల్ గాత్రాన్ని అందించారు. దేవీ శ్రీ ప్రసాద్ ఇచ్చిన బాణీ ఎంతో వినసొంపుగా ఉందని చెప్పాలి. ఇక ఈ మూవీకి ఎం సుకుమార్ కెమెరామెన్‌గా, టీ ఎస్ జై ఎడిటర్‌గా వ్యవహరిస్తున్నారు. ఏప్రిల్ 26న ఈ చిత్రాన్ని భారీ ఎత్తున తెలుగు, తమిళ భాషల్లో విడుదల చేయబోతోన్న సంగతి తెలిసిందే. ఇక ఇంకెందుకు దేవిశ్రీ ప్రసాద్ అందించిన ఈ సాంగ్ మీరూ వినేయండి.