‘అసలేం జరిగింది’ విజయంతో ఆనందం: హీరో శ్రీరామ్

శ్రీరామ్, సంచితా పదుకునే జంటగా నటించిన చిత్రం ‘అసలేం జరిగింది’. ఎన్వీఆర్ దర్శకత్వంలో ఎక్సోడస్ మీడియా పతాకంపై మైనేని నీలిమా చౌదరి, కింగ్ జాన్సన్ కొయ్యడ నిర్మించిన ఈ చిత్రం ఇటీవల ప్రేక్షకుల ముందుకొచ్చింది. మంగళవారం హైదరాబాద్‌లో చిత్రబృందం విజయోత్సవ వేడుకను నిర్వహించింది. ఈ సందర్భంగా హీరో శ్రీరామ్ మాట్లాడుతూ ‘తెలుగులో ఎక్కువగా సహాయ పాత్రలు వస్తున్నాయి. అయితే సోలో హీరోగా నటించాలనుకొని మంచి అవకాశం కోసం ఎదుచుస్తున్న తరుణంలో మేకప్‌మెన్ ద్వారా ఈ దర్శకనిర్మాతలు కలిశారు. వారు చెప్పిన కథ నచ్చింది. లిమిటెడ్ బడ్జెట్‌లో నిజాయితీగా సినిమా చేస్తామని, క్రమశిక్షణ, తపనతో సినిమా పూర్తిచేశారు. కష్టపడి సాధించిన విజయంలో సంతృప్తి ఉంటుంది.

Read also : ‘ఐకాన్‌’ మళ్ళీ ఆగనుందా!?

అలాంటి సక్సెస్‌ను అందించిన చిత్రమిది. కొత్తవారిని ప్రోత్సహించే కింగ్ జాన్సన్ లాంటి నిర్మాతలు ఇండస్ట్రీకి రావాలి. మిడిల్‌క్లాస్ సినిమా బాగుంటేనే ఇండస్ట్రీ బాగుంటుంది’ అని అన్నారు. నిర్మాత కింగ్ జాన్సన్ కొయ్యడ మాట్లాడుతూ ‘ఎక్సోడస్ మీడియా పతాకంపై మేము నిర్మించిన తొలి సినిమా ఇది. కాన్సెప్ట్ ఓరియెంటెడ్ కథాంశంతో పరిమిత బడ్జెట్‌లో తీశాం. చక్కటి స్పందన లభిస్తోంది. ఊహించని విజయమిది’ అని తెలిపారు. దర్శకుడు ఎన్వీఆర్ మాట్లాడుతూ ‘ఈ సక్సెస్ క్రెడిట్ నిర్మాత జాన్సన్‌కు దక్కుతుంది. సినిమా హిట్ అవుతుందని నమ్మిన తొలి వ్యక్తి హీరో శ్రీరామ్. నన్ను, నా కథను నమ్మి అండగా నిలిచారు’ అని చెప్పారు. ఇందులో విలన్‌గా నటించానని, శ్రీరామ్ చక్కటి సలహాలిచ్చారని నటుడు రవికుమార్ పేర్కొన్నారు.