Arabic Kuthu Song : మతి పోగొడుతున్న “హలమతి హబీబో”… మరో రికార్డు బ్రేక్

Arabic Kuthu Song అన్ స్టాపబుల్ గా దూసుకెళ్తోంది. “హలమతి హబీబో” జోరును ఇప్పట్లో ఆపడం ఎవరితరం అయ్యేలా కన్పించడం లేదు. కోలీవుడ్ స్టార్ హీరో విజయ్ అప్ కమింగ్ మూవీ “బీస్ట్”లోని ఫస్ట్ సాంగ్ మళ్లీ వార్తల్లో నిలిచింది. ఈ చార్ట్‌బస్టర్ ట్రాక్ యూట్యూబ్ లో మోస్ట్ లైక్డ్ ఇండియన్ సాంగ్ గా మారింది. ఇప్పటికి ఈ పాట 4.6 మిలియన్లకు పైగా లైక్‌లను దాటింది. అలాగే అతి తక్కువ సమయంలో ఈ అరుదైన ఘనతను సాధించిన అత్యంత వేగవంతమైన భారతీయ పాట ఇదే కావడం విశేషం. “అరబిక్ కుతు” అత్యంత ఇష్టపడే లిరికల్ వీడియోగా రికార్డును బ్రేక్ చేయడానికి కేవలం 28 రోజులు మాత్రమే పట్టింది. ఈ సమయంలో పాట 173 మిలియన్లకు పైగా వీక్షణలను కొల్లగొట్టింది.

Read Also : The Kashmir Files : నటి, దర్శకుడికి వ్యతిరేకంగా ఫత్వా జారీ…!

అనిరుధ్ రవిచందర్ స్వరపరిచిన ఈ పాటకు నటుడు శివకార్తికేయన్ సాహిత్యం అందించారు. జోనితా గాంధీ, అనిరుధ్ ఈ సెన్సేషనల్ ట్రాక్‌ను పాడారు. సన్ పిక్చర్స్ నిర్మించిన బీస్ట్, నెల్సన్ దిలీప్‌కుమార్ దర్శకత్వం వహించారు. ఇక విజయ్ సరసన పూజా హెగ్డే హీరోయిన్ గా నటిస్తోంది. ఈ చిత్రం ఏప్రిల్ 14, 2022న థియేటర్లలో విడుదలయ్యే అవకాశం ఉంది.