Anirudh Ravichander: అనిరుధ్ ‘అల్బుకర్క్యూ రికార్డ్స్’తో కలిసిన యూనివర్సల్ మ్యూజిక్

సంగీత ప్రపంచంలో మరో సంచలనం నమోదైంది. గ్లోబల్ మ్యూజిక్ జెయింట్ యూనివర్సల్ మ్యూజిక్ ఇండియా, సౌత్ సెన్సేషన్ అనిరుధ్ రవిచందర్ స్థాపించిన ‘అల్బుకర్క్యూ రికార్డ్స్’తో చేతులు కలిపింది. ఇండియన్ ఇండిపెండెంట్ మ్యూజిక్, ముఖ్యంగా సౌత్ ఇండియన్ పాప్, హిప్-హాప్‌ను ప్రపంచ స్థాయికి తీసుకెళ్లడమే ఈ బిగ్ కొలాబరేషన్ ప్రధాన ఉద్దేశ్యం. ఈ కొలాబరేషన్ ద్వారా అనిరుధ్ రూపొందించే ఫ్యూచర్ పాప్, హిప్-హాప్ ఆల్బమ్స్‌తో పాటు, ఈ లేబుల్ ద్వారా పరిచయమయ్యే కొత్త తరం కళాకారుల పాటలను కూడా యూనివర్సల్ మ్యూజిక్ గ్లోబల్‌గా ప్రమోట్ చేయనుంది. ఈ లేబుల్ కింద అనిరుధ్ పాల్గొన్న మొట్టమొదటి ప్రాజెక్ట్ ఏప్రిల్ లోనే విడుదల కాబోతోంది.

Also Read:Rakasa : భారీ మొత్తానికి రాకాస‌ హక్కుల అమ్మకం

2012లో ‘కొలవెరి డి’తో ఇంటర్నెట్‌ను ఊపేసిన అనిరుధ్, గడిచిన 15 ఏళ్లలో అప్రతిహత విజయాలను అందుకున్నారు. 770కి పైగా పాటలతో 13 బిలియన్లకు పైగా ఆడియో స్ట్రీమ్స్ సాధించి, స్పాటిఫైలో అత్యధిక స్ట్రీమ్స్ కలిగిన దక్షిణ భారత కళాకారుడిగా నెంబర్-1 స్థానంలో నిలిచారు. ‘హుకుమ్’, ‘వాతీ కమింగ్’, ‘అరబిక్ కుతు’ వంటి పాటలతో ఆయన గ్లోబల్ మ్యూజిక్ మ్యాప్‌లో తన ముద్ర వేశారు. తమిళం, తెలుగు, మలయాళం, కన్నడ భాషల్లో ఉన్న అపారమైన కళా సంపదను ప్రపంచానికి పరిచయం చేయడానికి యూనివర్సల్ మ్యూజిక్ పక్కా ప్లాన్‌తో ఉంది. దక్షిణాదిలో పెరుగుతున్న పాప్ మరియు హిప్-హాప్ కల్చర్‌ను క్యాష్ చేసుకోవడానికి అనిరుధ్ వంటి విజనరీ ఆర్టిస్ట్‌తో జతకట్టడం ఒక కీలక మలుపుగా భావిస్తున్నారు.