Animal Collections: సెకండ్ మండే కూడా 20 కోట్లు కలెక్ట్ చేసింది… ఊహించని రికార్డ్ ఇది
ప్రస్తుతం పాన్ ఇండియా లెవల్లో సందీప్ రెడ్డి వంగా ఓ సన్సేషన్ అయ్యాడు. అర్జున్ రెడ్డితో టాలీవుడ్లో సంచలనం సృష్టించిన ఈ టాలెంటెడ్ డైరెక్టర్… అదే సినిమాను బాలీవుడ్లో రీమేక్ చేసి అక్కడ కూడా దుమ్ముదులిపేశాడు. అదే జోష్లో రణ్బీర్ కపూర్ని అనిమల్గా చూపించి బాక్సాఫీస్ బద్దలు చేశాడు. ఒక A రేటెడ్ సర్టిఫికేట్ తో ఈ రేంజ్ కలెక్షన్స్ ని రాబట్టొచ్చా అని ట్రేడ్ వర్గాలు కూడా ఆశ్చర్యపోయేలా చేస్తున్నాడు సందీప్ రెడ్డి వంగ. అనిమల్ రిలీజ్ అయి రెండు వారాలు కావొస్తున్నా కూడా… థియేటర్ల దగ్గర హౌస్ ఫుల్ బోర్డులు కనిపిస్తున్నాయి. కేవలం పది రోజుల్లోనే 717 కోట్లకు పైగా వసూళ్లు రాబట్టిన అనిమల్ సినిమా… మొదటి మండేకే స్లో అవుతుంది అనుకున్నారు కానీ అందరి అంచనాలని తలకిందులు చేస్తూ అనిమల్ సెన్సేషనల్ కలెక్షన్స్ ని రాబట్టింది.
Rewriting Box-office Records 💥
Book your Tickets 🎟️https://t.co/kAvgndK34I#AnimalTakesOverTheNation #AnimalInCinemasNow #Animal #AnimalHuntBegins #BloodyBlockbusterAnimal #AnimalTheFilm @AnimalTheFilm @AnilKapoor #RanbirKapoor @iamRashmika @thedeol @tripti_dimri23… pic.twitter.com/hj6mnq9oCo
— Animal The Film (@AnimalTheFilm) December 12, 2023
లేటెస్ట్ గా సెకండ్ మండే కూడా అనిమల్ సినిమా 20 కోట్లు కలెక్ట్ చేసి బాక్సాఫీస్ దగ్గర కొత్త బెంచ్ మార్క్ ని సెట్ చేస్తుంది. ఓవరాల్ గా 11 రోజుల్లో అనిమల్ సినిమా 737.98 కోట్లని కలెక్ట్ చేసింది. కేవలం హిందీ లోనే అనిమల్ సినిమా సెకండ్ మండే 13.12 కోట్ల నెట్ వసూల్ చేసింది. ఇది కొత్త హిస్టరీ అనే చెప్పాలి. అసలే A రేటెడ్ సినిమా పైగా మూడున్నర గంటల నిడివి… ఈ రెండు నెగటివ్ విషయాలు అనిమల్ సినిమా కలెక్షన్స్ ని ఆపలేకపోతున్నాయి. డిసెంబర్ 21న డంకీ సినిమా రిలీజ్ అయ్యే వరకూ అనిమల్ సినిమా స్పీడుకి బ్రేకులు పడే అవకాశమే కనిపించట్లేదు. సో మరో 9 రోజుల్లో రోజుకి పది కోట్లు వేసుకున్నా అనిమల్ సినిమా ఓవరాల్ కలెక్షన్స్ ఇంకో వంద పెరగడం గ్యారెంటీ.