గత కొన్ని రోజులుగా యంగ్ టైగర్ ఎన్టీఆర్ కొత్త చిత్రం ‘ఎన్టీఆర్ 30’ గురించి సోషల్ మీడియాలో జోరుగా ప్రచారం జరుగుతోంది. ముఖ్యంగా ఈ ఎన్టీఆర్ తో జత కట్టబోయే హీరోయిన్ గురించి. అందులోనూ ఓ బాలీవుడ్ భామ పేరు ఎక్కువగా విన్పించింది. అయితే ఇప్పుడు ఆమె స్వయంగా ‘ఎన్టీఆర్ 30’లో తానే హీరోయిన్ అని కన్ఫర్మ్ చేసింది. దీంతో నందమూరి అభిమానులు తెగ ఖుషీ అవుతున్నారు.
Read Also : డాక్ట‌ర్ రాజ‌శేఖ‌ర్ ష‌ష్టి పూర్తి!
అసలు విషయంలోకి వస్తే… నిన్న ముంబైలో జరిగిన అలియా భట్ ‘గంగూబాయి కతియావాడి’ ప్రత్యేక ట్రైలర్ స్క్రీనింగ్‌ లో ‘ఎన్టీఆర్ 30’ గురించి ఓపెన్ అయ్యింది అలియా. ట్రైలర్ ప్రీమియర్ ఈవెంట్ Q&A సెషన్‌లో అలియా భట్ కు ఆమె భవిష్యత్తు ప్రాజెక్ట్‌ల గురించి ప్రశ్నలు ఎదురయ్యాయి. అందులో ‘ఎన్టీఆర్ 30’ గురించి కూడా ఆమెను ప్రశ్నించారు. ఈ ప్రశ్నలకు అలియా బదులిస్తూ “ఆర్ఆర్ఆర్ విడుదల కావాల్సి ఉంది. నేను ఇంకా వ్యాఖ్యానించకూడని మరో ప్రాజెక్ట్ ఉంది” అంటూనే “కొరటాల శివ చాలా క్లారిటీ ఉన్న ఫిల్మ్ మేకర్. చిరంజీవి, రామ్ చరణ్ లతో శివ సినిమా ‘ఆచార్య’ విడుదల కోసం ఎదురు చూస్తున్నాను. జూనియర్ ఎన్టీఆర్ విషయానికొస్తే అతనితో పని చేయడం చాలా సౌకర్యంగా ఉంది. ఆయన ఒక స్వీట్ హార్ట్. కొరటాల శివ వచ్చి కథ చెప్పాడు. ఆయన కథనం పూర్తి చేసిన వెంటనే నేను బోర్డులోకి రావడానికి అంగీకరించాను. నేను ఈ ప్రాజెక్ట్ లో పని చేయడానికి ఎదురు చూస్తున్నాను” ఎఅంటూ చెప్పుకొచ్చింది.
నందమూరి కళ్యాణ్ రామ్‌తో కలిసి సుధాకర్ మిక్కిలినేని నిర్మిస్తున్న ‘ఎన్టీఆర్ 30’ పాన్-ఇండియా స్థాయిలో రూపొందుతున్న గ్రామీణ యాక్షన్ ఎంటర్‌టైనర్‌. ఫిబ్రవరి 7న హైదరాబాద్‌లో ఈ చిత్రం ప్రారంభం కానుంది. మరోవైపు అలియా భట్ సంజయ్ లీలా భన్సాలీ “గంగూబాయి కతియావాడి” ఫిబ్రవరి 25న విడుదల కానుంది.