Chandu Mondeti : టాలీవుడ్, బాలీవుడ్ క్రేజీ కాంబినేషన్ లాక్..?

సక్సెస్ వచ్చాక కూడా నెక్ట్స్ సినిమా పట్టాలెక్కించేందుకు టైం తీసుకుంటున్నాడు చందూ మొండేటి. తండేల్ వచ్చి ఏడాదిన్నర పూర్తైనా హిట్ డైరెక్టర్ చందు మొండేటి నుండి మరో మూవీ రాలేదు. కార్తీకేయ3 ఉంటుందని నిఖిల్ ఎనౌన్స్ చేశాడు. ఈ ఏడాది చివరి నుండి ప్రాజెక్ట్ పట్టాలెక్కుందట. కానీ స్వయంభు, ది ఇండియా హౌస్ చిత్రాలతోనే బిజీగా గడిపేస్తున్నాడు నిఖిల్. 2026 ఎండింగ్‌లోగా సెట్స్‌పైకి వెళుతుందా అనేది ప్రస్తుతానికి డౌటే. నిఖిల్ బిజీగా ఉండటంతో యానిమేషన్ ఫిల్మ్ వాయుపుత్రకి కమిటయ్యాడు చందూ మొండేటి. ఎనౌన్స్ కూడా చేశారు. కానీ భారీ ఖర్చు కావడంతో ఈ ప్రాజెక్ట్ హోల్డ్ అయ్యిందని సమాచారం. దీంతో డైలామాలో ఉన్న చందుకి ఓ క్రేజీ ఆఫర్ వచ్చిందని సమాచారం.

బాలీవుడ్ అండ్ టాలీవుడ్‌లో స్టార్ హీరోలతో కలిసి వర్క్ చేసే గోల్డెన్ ఆఫర్ దక్కిందని టాలీవుడ్ బజ్. బాలీవుడ్ హీరో అక్షయ్ కుమార్, రానా స్టార్స్‌గా చందు మొండేటి దర్శకత్వంలో ఓ ప్రాజెక్ట్ ఫైనల్ అయ్యిందని సమాచారం. బాలీవుడ్ స్టార్ దర్శకుడు సంజయ్ లీలా భన్సాలీ ఈ కథను అందించాడని టాక్. భన్సాలీ ప్రొడక్షన్ హౌస్‌లో ఈ సినిమాను నిర్మిస్తున్నారన్న బజ్ వినిపిస్తోంది. మహాకాళ్ అనే టైటిల్ పరిశీలనలో ఉందట. ఈ మైథాలజీ డ్రామాకు చందు న్యాయం చేయగలడన్న నమ్మకంతో భన్సాలీ ఈ ప్రాజెక్ట్ అతడికే అప్పగించినట్లు సమాచారం. ఈ గాసిప్ నిజమేతే నార్త్, సౌత్ బేరియర్స్ కాస్త చెరిపేసినట్లే అవుతోంది. చూడాలి ఈ ప్రాజెక్ట్ రూమర్స్ వరకు ఆగిపోతుందో.. సెట్స్ పైకి వెళుతుందో చూడాలి.