Lenin movie trailer : లెనిన్ ట్రైలర్ రిలీజ్ డేట్ లాక్.. అయ్యగారు ఆన్ ట్రాక్

అక్కినేని అఖిల్ నటిస్తున్న మోస్ట్ అవేటెడ్ యాక్షన్ డ్రామా ‘లెనిన్’. చాలా కాలంగా షూటింగ్ దశలో ఉన్న ఈ సినిమా జూలై 10న రిలీజ్ కానుంది. ఈ నేపథ్యంలో ప్రమోషన్స్ స్పీడ్ పెంచేందుకు మేకర్స్ ప్లాన్ చేస్తున్నారు. ఈ సినిమాకు సంబంధించిన బిగ్గెస్ట్ అప్‌డేట్‌ను చిత్ర యూనిట్ తాజాగా ప్రకటించింది. ‘లెనిన్’ అఫీషియల్ ట్రైలర్‌ను జూన్ 30న విడుదల చేయబోతున్నట్లు మేకర్స్ అధికారికంగా వెల్లడించారు.  

వినరో భాగ్యం విష్ణు కథ వంటి హిట్ సినిమా దర్శకుడు మురళి కిషోర్ అబ్బురు దర్శకత్వంలో తెరకెక్కుతున్న ఈ చిత్రం గ్రామీణ నేపథ్యం, కుటుంబ భావోద్వేగాలు మరియు పవర్‌ఫుల్ యాక్షన్ ఎలిమెంట్స్‌తో రూపొందుతోంది. గతంలో విడుదలైన టీజర్, సాంగ్స్ సినిమాపై మంచి అంచనాలను క్రియేట్ చేయగా, ఇప్పుడు రాబోతున్న ట్రైలర్ సినిమా రేంజ్‌ను మరింత పెంచుతుందని ఇండస్ట్రీ వర్గాలు భావిస్తున్నాయి. ఈ చిత్రంలో అఖిల్ సరికొత్త రగ్గడ్ లుక్‌లో కనిపించనున్నారు. కొన్ని అనివార్య కారణాల వల్ల పలుమార్లు వాయిదా పడుతూ వచ్చిన ఈ చిత్రం ఎట్టకేలకు ఫైనల్ గా జూలై 10న ‘లెనిన్’ ప్రపంచవ్యాప్తంగా గ్రాండ్‌గా థియేటర్లలోకి రానుంది. ఈ సినిమాలో అఖిల్ సరసన భాగ్యశ్రీ బోర్సే హీరోయిన్‌గా నటిస్తుండగా, స్టార్ కంపోజర్ థమన్ సంగీతం అందిస్తున్నారు. అన్నపూర్ణ స్టూడియోస్ సమర్పణలో మనమ్ ఎంటర్‌టైన్‌మెంట్స్, సితార ఎంటర్‌టైన్‌మెంట్స్ బ్యానర్లపై అక్కినేని నాగార్జున, సూర్యదేవర నాగవంశీ ఈ చిత్రాన్ని నిర్మిస్తున్నారు. ఈ సినిమాతో అఖిల్ సాలిడ్ హిట్ కొడతాడని అఖిల్ ఫాన్స్ ధీమాగా ఉన్నారు. అటు కింగ్ నాగార్జున కూడా లెనిన్ సూపర్ హిట్ అవుతుందని గతంలో వెల్లడించారు.