కేబీఆర్ పార్క్ లో సినీ నటిపై దాడి

బంజారాహిల్స్ పరిధిలో ఉన్న కేబీఆర్ పార్క్ లో ఉదయం, సాయంత్రం చిన్నా, పెద్దా తేడా లేకుండా అందరూ వాకింగ్ చేస్తూ ఉంటారు. అయితే ఇటీవల కాలంలో కేబీఆర్ పార్క్ లో కేవలం వాకింగ్ చేయడం మాత్రమే కాదు నేరాలు కూడా జరుగుతున్నాయి. తాజాగా కేబీఆర్ పార్క్ వద్ద సినీ నటి పై దాడి జరిగింది. చౌరాసియా వాకింగ్ చేస్తుండగా గుర్తు తెలియని ఆగంతకుడు దాడి చేసి, ఆమె వద్ద ఉన్న సెల్ ఫోన్ లాక్కునేందుకు ప్రయత్నం చేశాడు.

Read Also : రేపు వరుణ తేజ్‌ ‘గని” టీజర్‌.. అందులో బిగ్‌ సర్‌ప్రైజ్‌

దీంతో అప్రమత్తమైన నటి ఫోన్ ను గట్టిగా పట్టుకోవడంతో ఇద్దరికీ మధ్య పెనుగులాట జరిగింది. ఆ ఆగంతకుడు ఆమెపై దాడి చేసి సెల్ ఫోన్ ఎత్తుకుపోయాడు. నటి వెంటనే పోలీసులకు సమాచారం ఇవ్వడంతో ఘటనా స్థలానికి చేరుకొని కేసు నమోదు చేసి గాయపడిన ఆస్పత్రికి తరలించారు. ఘటనపై విచారణ చేస్తున్నారు. కేబీఆర్ పార్క్ లో ఇలాంటి అవాంఛనీయ సంఘటనలు జరగకుండా సీసీ కెమెరాలు ఉన్నాయి. సామాన్యులతో పాటు సెలెబ్రిటీలు సైతం వాకింగ్, జాగింగ్ చేయడానికి కేబీఆర్ పార్క్ కు వస్తూ ఉంటారు. అందుకే ఇక్కడ పోలీసులు కూడా కాపలా కాస్తూ ఉంటారు.