Soori: భారీగా పెరిగిన కమెడియన్ సూరి రెమ్యూనరేషన్.. రేంజ్ చూస్తే షాకవ్వాల్సిందే!
- Follow Us :
-
-
Add as a preferred
source on google
Soori: తమిళ సినిమాల్లో చిన్న చిన్న పాత్రలతో కెరీర్ మొదలుపెట్టి, కామెడీ నటుడిగా తనకంటూ ప్రత్యేక గుర్తింపు తెచ్చుకున్న సూరి ఇప్పుడు హీరోగా తన మార్కెట్ను భారీగా పెంచుకుంటున్నాడు. వెట్రిమారన్ దర్శకత్వంలో వచ్చిన ‘విడుతలై’ (Viduthalai) సినిమాతో హీరోగా కొత్త ప్రయాణం మొదలుపెట్టిన ఆయన, వరుసగా విభిన్న కథలను ఎంచుకుంటూ తన స్థాయిని పెంచుకుంటున్నాడు. తాజాగా ‘మండాడి’ సినిమాతో ప్రేక్షకుల ముందుకు వచ్చిన సూరి నటనకి మంచి రెస్పాన్స్ వస్తుండటంతో ఇప్పుడు ఆయన రెమ్యునరేషన్ హాట్ టాపిక్ గా మారింది. ఇండస్ట్రీలో వస్తున్న వార్తలను బట్టి సూరి తన నెక్స్ట్ సినిమాకు ఏకంగా రూ.25 కోట్ల పారితోషికం తీసుకోబోతున్నట్లు సమాచారం.
ప్రముఖ నిర్మాణ సంస్థ మైత్రి మూవీ మేకర్స్ నిర్మించనున్న ఈ సినిమాకు ఆర్. రవికుమార్ దర్శకత్వం వహించనున్నట్లు తెలుస్తోంది. ‘ఇందు నెట్రు నాలై’, ‘అయలాన్’ వంటి సినిమాలతో గుర్తింపు తెచ్చుకున్న రవికుమార్ ఈసారి సూరితో ఈ ఎమోషనల్ డ్రామాను తెరకెక్కించనున్నట్లు సమాచారం. ఈ సినిమా కథ 2015లో చెన్నైని కుదిపేసిన భారీ వరదల నేపథ్యంలో సాగుతుందని తెలుస్తోంది. ఎమోషనల్ ఎలిమెంట్స్తో సాగే ఈ ప్రాజెక్ట్ కోసం రూ.50 కోట్లకు పైగా బడ్జెట్ కేటాయిస్తున్నట్లు, వచ్చే నెలలో సినిమా షూటింగ్ ప్రారంభమయ్యే అవకాశాలు ఉన్నట్లు వార్తలు వస్తున్నాయి. సూరి ఇంత తక్కువ సమయంలో ఇంతటి స్థాయికి చేరుకోవడం నిజంగా చెప్పుకోదగ్గ పరిణామమే. ఒకప్పుడు జూనియర్ ఆర్టిస్ట్గా, ఆ తర్వాత కమెడియన్గా ఎన్నో సినిమాల్లో కనిపించిన ఆయనకు కామెడీ టైమింగ్తో మంచి పేరు వచ్చింది. అయితే కేవలం కామెడీ పాత్రలకే పరిమితం కాకుండా విభిన్నమైన కథలు ఎంచుకుంటూ నటుడిగా తనను తాను నిరూపించుకున్నాడు సూరి.
Also Read
- Love Story: అనిరుధ్ మామ కళానిధి మారన్ ప్రేమ కథ తెలుసా?
- Mouli: టాలీవుడ్ నుంచి కోలీవుడ్కు దొంగ నా కొడుకు .. ‘టూరిస్ట్ ఫ్యామిలీ’ బ్యానర్లో మూడో సినిమా?
- Veeradhi Veerulu: మాస్ మహారాజా - శ్రీవిష్ణు కాంబో మిస్ అయినట్లేనా? ‘వీరాధి వీరులు’పై పిన్ డ్రాప్ సైలెన్స్!
- Keerthy Suresh: స్పెషల్ సాంగ్ నుంచి స్టార్ హీరోల దాకా.. పెళ్లి తర్వాత కీర్తి సురేష్ రేంజ్ మామూలుగా లేదుగా!
ఇక తాజాగా సెప్టెంబర్ 10న థియేటర్లలోకి వచ్చిన ‘మండాడి’ సినిమాతో సూరి మరోసారి తన నటనతో ఆకట్టుకుంటున్నాడు. తెలుగు యంగ్ హీరో సుహాస్ ఈ మూవీతో తమిళ ఇండస్ట్రీలో అడుగుపెట్టారు. మొదటి రోజున ప్రపంచవ్యాప్తంగా రూ. 6.55 కోట్ల గ్రాస్ కలెక్షన్లతో ఈ మూవీ బాక్సాఫీస్ వద్ద అద్భుతమైన ఓపెనింగ్స్ సాధించి పాజిటివ్ టాక్తో దూసుకుపోతోంది. మతిమారన్ పుగళేంధి దర్శకత్వం వహించిన ఈ స్పోర్ట్స్ యాక్షన్ డ్రామాలో సముద్రం, పడవ పందేల నేపథ్యంలో సూరి పాత్ర సాగుతుంది. సినిమా విడుదలైన తర్వాత ఆయన నటనకు మంచి ప్రశంసలు వస్తున్నాయి. సముద్రంలో తెరకెక్కించిన యాక్షన్ సీక్వెన్స్, క్లైమాక్స్, సూరి పెర్ఫార్మెన్స్పై ప్రేక్షకుల నుంచి పాజిటివ్ రెస్పాన్స్ కనిపిస్తోంది. ఇలా ఒక్కో సినిమాతో తన మార్కెట్ను పెంచుకుంటూ వస్తున్న సూరి ఇప్పుడు ఏకంగా రూ.25 కోట్ల రెమ్యునరేషన్ స్థాయికి చేరుకోవడం సినీ అభిమానులు సైతం ఆశ్చర్యపోతున్నారు.
- Tags
- cinema
- tamil actor
తాజావార్తలు
-
Fire Accident: చర్లపల్లి రైల్వే స్టేషన్లో అగ్నిప్రమాదం.. తగలబడిన బోగీలు..
-
Virat Kohli: విరాట్ కోహ్లీకి ఏమైంది..11 ఏళ్లలో తొలిసారి ఇలా..
-
India Summit Row: రాహుల్ గాంధీకి కిరణ్ రిజిజు ఏడు సూచనలు.. “బీజేపీని శత్రువుగా చూడొద్దు” అంటూ హితవు!
-
Kapildev: టెస్ట్ క్రికెట్కు వీడ్కోలు పలికి ఈ ఇద్దరు దిగ్గజాలు పెద్ద తప్పు చేశారు..
-
Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!