ఈరోజు బాక్స్ ఆఫీస్ జాతర… ఒకేసారి 7 సినిమాల సందడి

కరోనా మహమ్మారి తరువాత థియేటర్లలో సినిమాల సందడి మళ్ళీ మొదలైంది. డిసెంబర్ 10, శుక్రవారం కూడా థియేటర్ తో పాటు ఓటిటిలో కూడా దాదాపుగా ఏడు సినిమాలు విడుదల కానున్నాయి. ఈ వారాంతంలో థియేటర్లలో అలాగే ఓటిటిలలో ప్రీమియర్ అవుతున్న చిత్రాలను చూద్దాం.

నాగ శౌర్య స్పోర్ట్స్ ఎంటర్‌టైనర్ “లక్ష్య”తో సిద్ధమయ్యాడు. సంతోష్ జాగర్లమూడి దర్శకత్వం వహించిన ఈ చిత్రం డిసెంబర్ 10న గ్రాండ్ రిలీజ్‌ అవుతోంది.

శ్రియ, నిత్యా మీనన్, ప్రియాంక జవాల్కర్ ప్రధాన పాత్రల్లో సుజనారావు రచన మరియు దర్శకత్వం వహించిన “గమనం” అనే చిత్రం డిసెంబర్ 10న విడుదల కానుంది.

Read Also : ఒకే ఒక్కడు ప్రభాస్… గ్లోబల్ లెవెల్లో ఫస్ట్ ప్లేస్

పగ, యాక్షన్, థ్రిల్లర్, అడ్వెంచర్, ఫ్యామిలీ, హాస్యం వంటి అంశాలతో డా.ప్రగభల్ దర్శకత్వం వహించిన “మడ్డీ” డిసెంబర్ 10న ఏకకాలంలో ఆరు భాషల్లో థియేటర్లలోకి వస్తోంది.

దాము బాలాజీ దర్శకత్వం వహించిన “నయీమ్ డైరీస్” గ్యాంగ్‌స్టర్ నయీమ్ జీవిత కథతో తెరకెక్కింది. వశిష్ట సింహా కథానాయకుడిగా నటిస్తున్న ఈ చిత్రం డిసెంబర్ 10న విడుదల కానుంది.

దేవ్ రాజ్, సోనాక్షి వర్మ, మోనా వర్మ ప్రధాన పాత్రల్లో మధు గోపు దర్శకత్వంలో తెరకెక్కిన “బుల్లెట్ సత్యం” డిసెంబర్ 10న విడుదల కానుంది.

మురళీ మెహన్, మంచు విష్ణు, తనికెళ్ల భరణి, రామ్ లక్ష్మణ్ మాస్టర్స్ నటించిన “కఠారి కృష్ణ” డిసెంబర్ 10న విడుదల కానుంది.

ఆనంద్ కుమార్, నాగ వంశీ కృష్ణ, వికాస్ చంద్ర, ఉష, ఏంజెల్, వృశాలి, మరియు ఇతర ముఖ్యపాత్రల్లో సంతోష్ పర్లావర్ దర్శకత్వం వహించిన “ప్రియతమా” యూత్ ఫుల్ ఫ్యామిలీ ఎంటర్టైనర్. పులకుర్తి కొండయ్య నిర్మిస్తున్న ముక్కోణపు ప్రేమకథ డిసెంబర్ 10న థియేటర్లలో విడుదల కానుంది.