Siddha Vaidyam CD Launch : సీడీని ఆవిష్కరించిన సీనియర్ నటి శోభన

ఇటీవలి కాలంలో అందరిచే ఆదరణ పొందుతున్న సిద్ధ వైద్యానికి సంబంధించిన ఒక ప్రత్యేకమైన డాక్యుమెంటరీని సీడీ రూపంలో రూపొందించారు దర్శకుడు యమునా కిషోర్. సిద్ధ వైద్యంలో ఎంతో ప్రసిద్ధి గాంచిన డా. శ్రీమతి సత్య సింధూజ గారి ద్వారా ఈ విశేషాలను ప్రజలకు అందించారు. సిద్ధ వైద్యానికి సంబంధించిన ఈ సీడీ ఆవిష్కరణకు చెన్నై నుంచి ప్రఖ్యాత తార శోభన గారు ముఖ్య అతిథిగా విచ్చేసి, స్వయంగా ఆవిష్కరించారు. సిద్ధ వైద్యం గొప్పతనం, అది ప్రజలకు ఏ విధంగా ఉపయోగపడుతుందో అందులో విపులంగా చర్చించారు. ఈ ఆవిష్కరణ సభలో డాక్యుమెంటరీ దర్శకుడు యమునా కిషోర్, జగదీశ్ కుమార్, భువనగిరి శ్రీనివాసమూర్తి, ఇంకా శంకర్ తదితరులు పాల్గొన్నారు. ఈ డాక్యుమెంటరీ ద్వారా సిద్ధ వైద్యం ప్రాముఖ్యతను తెలియజేస్తూ రూపొందించిన ఈ డాక్యుమెంటరీ ని అందరూ చూడాలని దర్శకుడు యమునాక్ కిషోర్ కోరారు. ఇక సీడీని ఆవిష్కరించిన సీనియర్ నటి శోభనకు ధన్యవాదాలు తెలిపారు.

Read Also : Krishna Vrinda Vihari : నాగశౌర్య చెప్పిన కొత్త లెక్క 2+2= 22!