Bed Bugs: మీ పరుపుల్లో నల్లులు నిద్ర పోతున్నాయా? పైసా ఖర్చు లేకుండా నల్లులకు ఇలా శాశ్వతంగా చెక్ పెట్టండి!

Bed Bugs: సాధారణంగా చాలా మంది ఎదుర్కొనే కామన్ ప్రాబ్లమ్ నల్లులు. అవును ఉదయం అంతా ఆఫీస్ పనుల్లో అలిసిసొలసి ఇంటికి వచ్చి రాత్రికి బెడ్‌పైన పడుకొని కాస్త రిలాక్స్ అవుదామని అనుకుంటే ఈ బెడ్ బగ్స్ మనుషుల రక్తాన్ని నీళ్లు తాగినట్లు తాగి ప్రాణాలు తీస్తున్నాయని చాలా మంది నుంచి వచ్చే రొటీన్ కంప్లైంట్స్ మనం నిత్యం వింటూనే ఉంటాం. అవును ఇంతకీ మీ ఇంట్లో నల్లులు ఉన్నాయా .. ఉంటే ఇక అంతే సంగతులు. ఎందుకంటే ఇవి చూస్తూ చూస్తుండగానే విపరీతంగా పెరిగిపోతాయి. మంచాలు, దిండ్లు, పరుపులు, సోఫాలు, కుర్చీలు.. ఆఖరికి మనం వేసుకునే బట్టలలో కూడా ఇవి గూడు కట్టుకుంటాయి. పగటిపూట మన కంటికి కనిపించకుండా దాక్కునే ఈ చిన్న కీటకాలు, రాత్రి కాగానే నిద్రపోనివ్వకుండా రక్తాన్ని పీల్చేస్తాయి. చాలామంది వీటిని వదిలించుకోవడానికి మార్కెట్లో దొరికే రకరకాల కెమికల్స్ వాడుతుంటారు. అయితే ఈ కెమికల్స్ వల్ల కొన్నిసార్లు నల్లులు చావకపోగా, మన ఆరోగ్యానికి మాత్రం లెక్కలేనన్ని సైడ్ ఎఫెక్ట్స్ ఎదురవుతాయి. అందుకే ఎటువంటి సైడ్ ఎఫెక్ట్స్ లేకుండా, పైసా ఖర్చుతో పని లేకుండా సింపుల్‌గా నల్లులను శాశ్వతంగా ఎలా వదిలించుకోవచ్చో ఈ స్టోరీలో తెలుసుకుందాం.

నల్లులు ఎక్కడ దాక్కుంటాయి..
నల్లులు అనేవి చిన్న ఎరుపు-గోధుమ రంగులో ఉండే కీటకాలు. ఇవి చాలా సన్నని శరీర ఆకృతిని కలిగి ఉంటాయి. అందువల్ల ఇవి పరుపుల అంచులు, మంచాల ఫ్రేములు, హెడ్‌బోర్డులు, చెక్క ఫర్నిచర్ సందులు వంటి అతి చిన్న ప్రదేశాలలో కూడా సులభంగా దూరి దాక్కోగలవు. నిజానికి ఇవి వేగంగా సంతానోత్పత్తి చేస్తాయి.

నల్లులను తరిమికొట్టే సహజమైన చిట్కాలు ఇవే..
నల్లులు వేపలో ఉండే చేదు గుణాన్ని, దాని ఘాటైన వాసనను అస్సలు తట్టుకోలేవు. మంచం పగుళ్లు, సందులలో వేప నూనెను పూర్తిగా రాయడం వల్ల నల్లులు వెంటనే పారిపోతాయి. లేదా ఎండిన వేప ఆకులను పరుపుల కింద, మంచం మీద పరచుకుంటే వాటి సమస్య తగ్గుతుందని చెబుతున్నారు. అలాగే మంచం లేదా సోఫా మూలల్లో కర్పూరం పొడిని చల్లితే.. వాటి నుంచి వచ్చే ఘాటైన వాసనకు నల్లులు ఊపిరాడక చనిపోవడం లేదా ఆ ప్రదేశం నుంచి దూరంగా వెళ్లిపోవడం చేస్తాయని చెబుతున్నారు.

దిండ్లు, పరుపులు, మ్యాట్రెస్‌లలో నల్లులు ఎక్కువగా ఉంటే.. వాటిని కనీసం ఒక రోజంతా ఎండలో ఉంచాలని చెబుతున్నారు. ఎందుకంటే ఆ వేడికి నల్లులు మాత్రమే కాకుండా, వాటి గుడ్లు కూడా పూర్తిగా నశించిపోతాయని పేర్కొంటున్నారు. అలాగే పసుపు, వేప ఆకులను కలిపి నూరి ముద్దగా చేసుకొని దానిని నల్లులు ఎక్కువగా ఉన్న ఫర్నిచర్ సందులలో లేదా మంచం పగుళ్లలో రాయాలని చెబతుున్నారు. పసుపులోని యాంటీ సెప్టిక్ గుణాలు, వేప ఘాటు కలిసి నల్లులను సమర్థవంతంగా అరికడతాయని చెబుతున్నారు. నల్లుల బెడద మరీ ఎక్కువగా ఉంటే, అప్పుడప్పుడు ఫర్నిచర్ కీళ్లపై కిరోసిన్ చల్లడం వల్ల కూడా మంచి ఫలితం ఉంటుందంటున్నారు.

నల్లులు కుడితే వచ్చే సమస్యలు ఇవే..
నల్లులు కుట్టడం వల్ల నిద్రకు భంగం కలగడమే కాకుండా, మనశ్శాంతి కూడా దెబ్బతింటుంది. ఇవి కుట్టినప్పుడు చేతులు, కాళ్లు, మెడ, ముఖం వంటి చర్మ భాగాలపై ఎర్రటి, తీవ్రమైన దురదతో కూడిన బొబ్బలు ఏర్పడతాయి. నల్లులు గోడల ద్వారా ఒక చోటు నుంచి మరోచోటుకి పాకకుండా ఉండాలంటే.. ఇంట్లోని మంచాలు లేదా సోఫాలను గోడకు తాకకుండా, కాస్త దూరంగా జరిపి ఉంచాలి. ఈ చిన్నపాటి ఇంటి చిట్కాలను పాటిస్తే కెమికల్స్ వాడకుండానే నల్లుల సమస్యకు శాశ్వతంగా గుడ్ బై చెప్పవచ్చని నిపుణులు సూచిస్తున్నారు.