Quick Sooji Chilla Recipe: కేవలం 10 నిమిషాల్లో టేస్టీ, హెల్దీ బ్రేక్‌ ఫాస్ట్‌ రెడీ

Quick Sooji Chilla Recipe: ఉదయం వేళ ఓవైపు ఆఫీసులు.. మరోవైపు స్కూళ్లు.. ఇతర పనులు మీద వెళ్లే వాళ్లు.. ఇలా ఇంట్లో ఒక్కటే హడావిడి ఉంటుంది.. ఈ సమయంలో అందరి పనులు చూసుకోవడంలో మహిళలు విసిగిపోతుంటారు.. అయితే, ఉదయం పూట హడావిడిలో ఉన్నప్పుడు, తక్కువ సమయంలో ఆరోగ్యకరమైన అల్పాహారం కావాలనుకుంటే ‘సూజీ చిల్లా’ (Sooji Chilla) బెస్ట్ ఆప్షన్. ఇది శరీరానికి శక్తిని ఇవ్వడమే కాకుండా, తేలికగా జీర్ణమవుతుంది. కూరగాయలతో కలిపి చేయడం వల్ల ఇది పిల్లలకి, పెద్దలకి ఎంతో మేలు చేస్తుంది.

కావలసిన పదార్థాలు:
– రవ్వ (సెమోలినా): 1 కప్పు
– పెరుగు: 1/2 కప్పు
– కూరగాయలు: సన్నగా తరిగిన ఉల్లిపాయ, క్యాప్సికమ్, తురిమిన క్యారెట్
– మసాలాలు: పచ్చిమిర్చి, ఎర్ర కారం (1 స్పూన్), పసుపు (1/4 స్పూన్), అల్లం-వెల్లుల్లి పేస్ట్
– ఇతరాలు: కొత్తిమీర, రుచికి సరిపడా ఉప్పు, నూనె, తగినంత నీరు.

తయారీ విధానం:
– మిశ్రమం తయారీ: ఒక గిన్నెలో రవ్వ, పెరుగు తీసుకుని బాగా కలపాలి. ఇందులో సన్నగా తరిగిన ఉల్లిపాయ, క్యాప్సికమ్, క్యారెట్ ముక్కలను వేయాలి.
– మసాలాలు కలపడం: ఇప్పుడు అల్లం-వెల్లుల్లి పేస్ట్, పచ్చిమిర్చి, ఉప్పు, కారం, పసుపు మరియు కొత్తిమీర వేసి కలపాలి. అవసరమైతే కొద్దిగా నీరు పోసి దోస పిండిలా తయారు చేయాలి.
– నానబెట్టడం: ఈ మిశ్రమాన్ని 15-20 నిమిషాల పాటు పక్కన పెడితే రవ్వ బాగా నానుతుంది (తొందరగా కావాలనుకుంటే 5 నిమిషాలైనా నానబెట్టాలి).
– కాల్చడం: స్టవ్ మీద నాన్-స్టిక్ పాన్ పెట్టి, కొద్దిగా నూనె రాయాలి. సిద్ధం చేసుకున్న పిండిని పాన్ మీద దోసలా (చిన్న వృత్తాకారంలో) వేయాలి.
– సర్వింగ్: మీడియం మంట మీద రెండు వైపులా గోల్డెన్ బ్రౌన్ రంగు వచ్చే వరకు కాల్చాలి. వేడి వేడి సూజీ చిల్లాను అల్లం చట్నీ, గ్రీన్ చట్నీ లేదా పెరుగుతో తింటే అద్భుతంగా ఉంటుంది.