భారతీయ రైల్వేలో ఉద్యోగం చేయాలని కలలు కంటున్న ఇంజనీరింగ్ అభ్యర్థులకు శుభవార్త. రైల్వే రిక్రూట్మెంట్ బోర్డు (RRB) దేశవ్యాప్తంగా 4,098 జూనియర్ ఇంజనీర్ (JE) పోస్టుల భర్తీకి అధికారిక నోటిఫికేషన్ను విడుదల చేసింది. ఈ నోటిఫికేషన్ ద్వారా అర్హత కలిగిన అభ్యర్థుల నుంచి దరఖాస్తులను స్వీకరించనుంది. ఆసక్తి ఉన్న అభ్యర్థులు 2026 ఆగస్టు 14 నుంచి ఆన్లైన్లో దరఖాస్తు చేసుకోవచ్చు. దరఖాస్తు చేసుకునే చివరి తేదీ 2026 సెప్టెంబర్ 13గా నిర్ణయించారు.
మొత్తం ఎన్ని పోస్టులు?
ఆర్ఆర్బి విడుదల చేసిన నోటిఫికేషన్ ప్రకారం, దేశవ్యాప్తంగా మొత్తం 4,098 జూనియర్ ఇంజనీర్ (JE) పోస్టులను భర్తీ చేయనున్నారు. పోస్టుల వారీగా ఖాళీలు, విద్యార్హతలు, జోన్ల వారీ వివరాలు త్వరలో విడుదలయ్యే డీటైల్డ్ నోటిఫికేషన్లో వెల్లడించనున్నారు.
వయోపరిమితి
ఈ పోస్టులకు దరఖాస్తు చేసుకునే అభ్యర్థుల కనీస వయస్సు 18 సంవత్సరాలు, గరిష్ట వయస్సు 33 సంవత్సరాలు ఉండాలి. రిజర్వేషన్ కేటగిరీ అభ్యర్థులకు ప్రభుత్వ నిబంధనల ప్రకారం వయో సడలింపు ఉంటుంది. SC/ST అభ్యర్థులకు 5 సంవత్సరాలు, OBC అభ్యర్థులకు 3 సంవత్సరాల వయో సడలింపు ఉంటుంది.
జీతం ఎంత?
ఈ పోస్టులకు ఎంపికైన అభ్యర్థులకు 7వ వేతన సంఘం (7th CPC) ప్రకారం లెవల్-6 పే స్కేల్లో నెలకు రూ.35,400 ప్రారంభ మూల వేతనం లభిస్తుంది. అదనంగా డీఏ, హెచ్ఆర్ఏ, ట్రాన్స్పోర్ట్ అలవెన్స్ వంటి ఇతర భత్యాలు కూడా వర్తిస్తాయి.
దరఖాస్తు ప్రక్రియ
RRB JE Recruitment 2026 కోసం దరఖాస్తు ప్రక్రియ పూర్తిగా ఆన్లైన్లో ఉంటుంది. దరఖాస్తు చేయాలనుకునే అభ్యర్థులు ఈ దశలను అనుసరించాలి.
ముందుగా RRB అధికారిక వెబ్సైట్ను సందర్శించండి.
హోమ్పేజీలో కనిపించే RRB JE Recruitment 2026 లింక్పై క్లిక్ చేయండి.
కొత్తగా రిజిస్ట్రేషన్ చేసి, లాగిన్ అవ్వండి.
దరఖాస్తు ఫారంలో అడిగిన వ్యక్తిగత, విద్యార్హత వివరాలను జాగ్రత్తగా నమోదు చేయండి.
అవసరమైన పత్రాలు, ఫోటో, సంతకం స్కాన్ కాపీలను అప్లోడ్ చేయండి.
దరఖాస్తు రుసుము (వర్తిస్తే) చెల్లించి ఫారాన్ని సమర్పించండి.
భవిష్యత్తు అవసరాల కోసం దరఖాస్తు ఫారమ్ ప్రింట్అవుట్ను భద్రపరచుకోండి.