బ్రిటిష్ రాజు కింగ్ చార్లెస్, క్వీన్ కామిల్లా దంపతులు అమెరికాలో పర్యటించారు. అమెరికా స్వాతంత్ర్యానికి 250 సంవత్సరాలు పూర్తవుతున్న సందర్భంగా కింగ్ చార్లెస్ దంపతులు అమెరికాలో పర్యటించడం ప్రాధాన్యత సంతరించుకుంది. వైట్హౌస్ దగ్గర ఘన స్వాగతం లభించింది. ట్రంప్ దంపతులు ప్రత్యేకంగా ఆహ్వానం పలికారు.
ట్రంప్ రెండోసారి అధికారంలోకి వచ్చాక గత సెప్టెంబర్లో బ్రిటన్లో పర్యటించారు. ఆ సమయంలో రాజరికపు పద్ధతిలో ట్రంప్ దంపతులకు ఘనస్వాగతం లభించింది. ఆ సమయంలో కింగ్ చార్లెస్ను ట్రంప్ అమెరికాకు ఆహ్వానించారు. దీంతో తాజాగా కింగ్ చార్లెస్ దంపతులు అమెరికాలో పర్యటిస్తున్నారు.
ఇక కింగ్ చార్లెస్ అమెరికా పర్యటన సందర్శన సందర్భంగా వైట్హౌస్ ప్రాంగణాన్ని కలియ తిరిగారు. ట్రంప్, మెలానియా ప్రత్యేకంగా సౌత్ లాన్లో కొత్తగా పెంచుతున్న తేనెటీగల పెంపక కేంద్రాన్ని చూపించారు.
మెనూ…
ఈ పర్యటన ద్వారా అమెరికా-బ్రిటన్ మధ్య ఉన్న బలమైన దౌత్య సంబంధాలు మరింత బలోపేతం అయ్యే అవకాశాలు కనిపిస్తున్నాయి. ఇక గార్డెన్ పార్టీకి హాజరైన అతిథులకు సంప్రదాయ బ్రిటిష్ ఆహారం అందించారు. మెనూలో ఏవేవి ఏర్పాటు చేశారంటే.. స్కాటిష్ స్మోక్డ్ సాల్మన్ సాండ్విచ్లు, రోస్ట్ చేసిన బ్రిటిష్ బీఫ్, వెస్ట్ కంట్రీ చెడ్డార్ చీజ్, కీరదోస, డిల్ సాండ్విచ్లు, చెడ్డార్, చైవ్ క్విచ్, టమోటా, బాసిల్, ఆలివ్ టార్ట్స్, స్ట్రాబెర్రీలు, క్లాటెడ్ క్రీమ్తో స్కోన్స్, బేక్వెల్ టార్ట్, జింజర్ కేక్, విక్టోరియా స్పాంజ్, ఫ్రూట్ కేక్, రాస్ప్బెర్రీ, వైట్ చాక్లెట్, లెమన్ కేక్ ఏర్పాటు చేశారు.