Russia On Iran War: “ట్రంప్ అసలు రంగు బయటపడింది”.. ఇజ్రాయిల్-ఇరాన్‌ యుద్ధంపై రష్యా..

Russia On Iran War: అమెరికా, ఇజ్రాయిల్ కలిసి ఇరాన్‌పై భీకరదాడులు చేస్తున్నాయి. శనివారం ఉదయం ఇరాన్ రాజధాని టెహ్రాన్‌తో పాటు పలు నగరాలపై ఇజ్రాయిల్ వైమానిక దాడులు నిర్వహించింది. సుప్రీంలీడర్ ఖమేనీని టార్గెట్ చేస్తూ దాడులు జరిగాయి. మరోవైపు, ఇరాన్ కూడా పెద్ద ఎత్తున మిస్సైల్ దాడులు చేస్తోంది. ఇజ్రాయిల్‌తో పాటు మిడిల్ ఈస్ట్ దేశాలైన ఖతార్, కువైట్, బహ్రైయిన్, సౌదీ అరేబియా, జోర్డాన్, యూఏఈలోని అమెరికన్ సైనిక స్థావరాలపై ఇరాన్ క్షిపణి దాడులు చేసింది.

Read Also: Geethu Royal: తిరుమలలో గీతూ ఓవరాక్షన్.. జీవితం కోల్పోయానంటూ రీల్!

ఇదిలా ఉంటే, ఈ యుద్ధంపై రష్యా తీవ్ర ఆగ్రహం వ్యక్తం చేసింది. రష్యా భద్రతా మండలి ఉపాధ్యక్షుడు దిమిత్రి మెద్వెదేవ్ మాట్లాడుతూ.. అమెరికా అధ్యక్షుడు డొనాల్డ్ ట్రంప్ అసలు రంగు బయటపడిందని విమర్శించారు. తనను తాను శాంతిదూతగా చెప్పుకుంటూనే యుద్ధాలకు పాల్పడుతున్నాడని విమర్శించారు. ఈ దాడులు ప్రపంచశాంతికి ముప్పు అని, దీని వల్ల మధ్యప్రాచ్యంలో అస్థిరత పరిస్థితులు నెలకొంటాయని రష్యా హెచ్చరించింది.