US-Israel: యుద్ధంపై ఇరాన్ తీపి కబురు.. తెరవెనక 2 దేశాల మధ్యవర్తిత్వం..

Iran War: మిడిల్ ఈస్ట్ సంక్షోభాల మధ్య కాస్త ఉపశమనం కలిగించే వార్త ఇరాన్ అధికారి నుంచి వచ్చింది. యుద్ధం నిలిచేందుకు తెర వెనక చర్చలు జరుగుతున్నట్లు సీనియర్ ఇరాన్ అధికారి తెలిపారు. ఈ సంఘర్షణను చల్లార్చడానికి టర్కీ, పాకిస్తాన్‌లు ఇప్పుడు మధ్యవర్తులుగా వ్యవహరించడం ప్రారంభించాయి. ఈ రెండు దేశాలు కలిసి ఇరాన్, అమెరికాల మధ్య పరస్పరం అంగీకరించే ఒక మధ్యే మార్గాన్ని కనుగొనడానికి ప్రయత్నిస్తున్నాయి.

Read Also: Iran War: ఇరాన్‌ను లొంగదీయడానికి ట్రంప్ ముందు 4 మార్గాలు.

రాయిటర్స్ ప్రకారం.. అమెరికా తన మొండితనాన్ని వీడి, క్షేత్రస్థాయిలో వాస్తవాలు గుర్తిస్తే ముందుకు వెళ్లే మార్గం దొరకొచ్చని ఇరాన్ అధికారి తెలిపారు. అయితే, ముఖాముఖి చర్చల కోసం ఇంకా ఎలాంటి సన్నాహాలు జరగడం లేదని స్పష్టం చేశారు. ప్రస్తుతం రాజీ కుదిరేలా స్పష్టమైన ప్రణాళిక కనిపించలేకున్నా, తెరవెనక మాత్రం చర్చలు జరుగున్నట్లు ఇరాన్ అంగీకరించింది.