కోవిడ్ మహమ్మారి మన ఆరోగ్యంపైనే కాకుండా మన జేబులపై కూడా ప్రభావం చూపింది. ఉద్యోగాలు పోయాయి, జీతాలు తగ్గాయి, పొదుపులు పోయాయి. గృహ రుణాలు తీసుకునే కస్టమర్లు చాలా ఇబ్బందులను ఎదుర్కోవలసి వచ్చింది.
కోవిడ్-19 మహమ్మారి దేశ ఆర్థిక పరిస్థితిని పూర్తిగా మార్చివేసింది. దీని ప్రభావంతో… చాలా మంది ఉద్యోగాలు కోల్పోయారు. ఒక ఉద్యోగి సాధారణంగా తన ఖర్చులు, బాధ్యతలను తాను సంపాదించే ఆదాయాన్ని బట్టి నిర్ణయిస్తాడు. చాలా మంది బ్యాంకులు లేదా ఆర్థిక సంస్థల నుండి గృహ రుణాలు తీసుకొని ఇళ్ళు నిర్మిస్తారు.
మార్సెల్లస్ ఇన్వెస్ట్మెంట్ మేనేజర్స్ నివేదిక ప్రకారం, కోవిడ్ సమయంలో రుణాలు తీసుకున్న ప్రతి 10 మధ్యతరగతి కుటుంబాలలో ఒకరు తమ రుణాన్ని తిరిగి చెల్లించలేకపోతున్నారు. ఈ వ్యక్తులు సకాలంలో వాయిదాలు చెల్లించడం కష్టంగా మారింది మరియు ఇప్పుడు వారికి బ్యాంకు నుండి నోటీసులు వస్తున్నాయి లేదా వారి చెక్కులు బౌన్స్ అవుతున్నాయి. ఈ సమస్య గురించి బ్యాంకులు ఆర్బిఐ ముందు ఆందోళన వ్యక్తం చేస్తున్నాయి.
దీంతో..కోవిడ్ సమయంలో ప్రజల ఆదాయం తగ్గిన దృష్ట్యా, రుణగ్రహీతలకు ఉపశమనం కలిగించడానికి ఆర్బీఐ ముందుడుగేసింది. వీటిలో వాయిదాలపై మారటోరియం ఇవ్వడం, రుణ చెల్లింపు వ్యవధిని పెంచడం ఉన్నాయి. కానీ, కోవిడ్ తర్వాత కూడా తమ ఆర్థిక పరిస్థితిని కొనసాగించగలిగిన వారికి మాత్రమే ఈ చర్యలు సరిపోతాయి.
గృహ రుణ సంక్షోభం నుండి బయటపడటం ఎలా
ముందుగా, మీ నెలవారీ వాయిదా (EMI) చెల్లించడానికి ప్రాధాన్యత ఇవ్వండి. వడ్డీ రేటు తగ్గించడానికి బ్యాంకుతో తిరిగి చర్చలు జరపండి.
మీ ఖర్చులను తగ్గించుకుని, మిగిలిన అదనపు మొత్తాన్ని గృహ రుణంలో పెట్టుబడి పెట్టండి.
అవసరమైతే మీరు గృహ రుణ బ్యాలెన్స్ బదిలీ ఎంపికను పరిగణించవచ్చు.
బోనస్ లేదా అదనపు ఆదాయాన్ని నేరుగా ముందస్తు చెల్లింపులో పెట్టుబడి పెట్టండి.
సంక్షోభం తీవ్రమైతే, గృహ రుణ కాలపరిమితిని పెంచడం ద్వారా మీ EMIని తగ్గించుకోండి.