Marriage at 97 Age: తండ్రి పెళ్లి అడ్డుకోవడానికి కొడుకు ప్రయత్నం.. 97 ఏళ్ల వయస్సులో మ్యారేజ్‌కి కోర్టు గ్రీన్‌ సిగ్నల్..

Marriage at 97 Age: 97 ఏళ్ల వృద్ధుడు తన భార్య మరణించిన తర్వాత రెండో వివాహం చేసుకోవాలనుకున్నాడు.. అయితే, అతని కొడుకులు తండ్రి ప్రయత్నాలను అడ్డుకోవడానికి ప్రయత్నించారు.. దీనిపై కోర్టుకు కూడా వెళ్లారు.. ఆ వృద్ధుడి మానసిక సామర్థ్యంపై ప్రశ్నలు వేసి కోర్టులో పిటిషన్ దాఖలు చేశారు. వృద్ధుడి కుమారులు, తండ్రి 97 ఏళ్ల వయసులో వివాహం చేసుకోవడం చట్టపరంగా సరికాదని వాదించారు. అదేవిధంగా, వృద్ధుడి భాగస్వామి అతన్ని మోసం చేయాలని లేదా ఆస్తిని సంపాదించడానికి ప్రలోభపెడుతోందని ఆరోపించారు. అయితే కోర్ట్ విచారణలో ఆడియో రికార్డులు మరియు వైద్య సర్టిఫికెట్ల ఆధారంగా వృద్ధుడి మానసిక సామర్థ్యం పూర్తిగా నిర్ణయాలు తీసుకోవడానికి తగిన స్థాయిలో ఉందని నిర్ధారించింది. కోర్టు వృద్ధుడికి తన భాగస్వామితో వివాహం చేసుకోవడానికి అనుమతి మంజూరు చేసింది.. దీంతో, కుమారుల ప్రయత్నం విఫలమైంది. ఈ నిర్ణయం సోషల్ మీడియాలో వైరల్‌గా మారిపోయింది..

వృద్ధుడి జీవిత చరిత్ర
వృద్ధుడు 1950లో తన మొదటి వివాహం చేసుకున్నారు. ఆ భార్యతో ముగ్గురు కుమారులు జన్మించారు. 1971లో అతను తన సెక్రటరీతో సంబంధం ప్రారంభించారు, మరియు ఆ సంబంధం నుండి మరో కుమారుడు జన్మించాడు. 2014లో మొదటి భార్య మరణించేవరకు, వృద్ధుడు తన కుటుంబంతో నివసించారు. భార్య మరణించిన తర్వాత, ఆయన తన స్నేహితురాలి వద్దకు మకాం మార్చేశాడు..

ఆస్తి సంబంధిత పరిస్థితులు
వృద్ధుడికి ఒక రసాయన కంపెనీ ఉంది, మరియు అతను తన వారసులను ఆస్తి నుండి బయట ఉంచడానికి, వీలునామాలను సవరించి కోర్టుకు సమర్పించారు. కోర్టు, వృద్ధుడి నిర్ణయాలు చట్టపరంగా సరిగా ఉన్నాయని, ఆస్తి మరియు వివాహ నిర్ణయాలను స్వతంత్రంగా తీసుకోవచ్చని తెలిపింది. ఇక, సింగపూర్ కోర్టు ఈ వృద్ధుడిని వివాహానికి మానసికంగా అర్హుడుగా ప్రకటించింది. వృద్ధుడు 97 ఏళ్ల వయసులో కూడా తన నిర్ణయాలపై స్పృహతో ఉన్నారని, పూర్తి అవగాహనతో వివాహ నిర్ణయం తీసుకోవచ్చని కోర్ట్ వెల్లడించింది. మొత్తంగా ఈ కేసు వృద్ధులు కూడా తన జీవిత నిర్ణయాలను స్వతంత్రంగా తీసుకునే హక్కులు ఉన్నారని, కుటుంబ నిరోధాలు మాత్రమే నిర్ణయానికి అడ్డంకిగా ఉండకూడదని చూపుతోంది. 97 ఏళ్ల వయసులో కూడా జీవితం కొత్త అవకాశాలతో నిండిపోవచ్చని, చట్టం వృద్ధుల హక్కులను రక్షిస్తుందని ఈ కేసు నిరూపిస్తోంది.