Gajkesari Yog 2026: ఫిబ్రవరి 26న చంద్రుడు మిథున రాశిలోకి ప్రవేశిస్తున్నాడు. ఆ రాశిలోనే ఉన్న గురు గ్రహంతో సంయోగం చెందబోతున్నాడు. ఈ రెండు గ్రహాల కలయిన కొన్ని రాశులకు మంచి యోగాన్ని ఇవ్వబోతోంది. రాజయోగాల్లో అత్యంత ముఖ్యమైన ‘‘గజకేసరి యోగం’’ కొన్ని రాశుల వారికి పట్టబోతోంది.
గజకేసరి యోగం ద్వారా ధనం, కెరీర్, గౌరవం, శుభకార్యాలు వంటి కార్యక్రమాలు సిద్ధిస్తాయి. జ్యోతిష్యం ప్రకారం, చంద్రుడు, దేవ గురువు బృహస్పతి ఒకే రాశిలో లేదా ఒకరికొకరు కేంద్ర స్థానాలు (1, 4, 7, 10వ స్థానాల్లో) ఉన్నప్పుడు గజకేసరి రాజయోగం ఏర్పడుతుంది. వారి జాతకంతో ఈ యోగం ఉన్నవారు సమాజంలో గౌరవం, మంచి అవకాశాలను పొందే ఛాన్స్ ఉంది.
మిథున రాశి:
ఈ యోగం మిథునరాశిలో ఏర్పడుతుంది. కాబట్టి ఈ రాశి వారు ప్రయోజనం పొందవచ్చు. పనిలో మీ ఇమేజ్ బలపడుతుంది. ఆఫీస్/బిజినెస్ లలో మీ గౌరవం పెరుగుతుంది. అవివాహితులకు వివాహం జరుగవచ్చు.
వృషభ రాశి:
వృషభ రాశి వారికి రెండో ఇంటిలోనే ఈ యోగం ఏర్పడుతుంది. వీరికి కెరీర్లో వృద్ధి, ఉద్యోగంలో పదోన్నతి, ఆదాయం పెరుగుదల సూచనలున్నాయి. ప్రేమ వ్యవహారాల్లో సానుకూల మార్పులు ఉండొచ్చు.
కన్యా రాశి:
కన్యా రాశి వారి పురోగతికి కొత్త మార్గాలు ఏర్పడుతాయి. ఉద్యోగం కోసం చూస్తున్న వారికి శుభవార్త వినివచ్చు. వ్యాపారవేత్తలు ఒక పెద్ద ఒప్పందాన్ని ఖరారు చేసుకోవచ్చు. వీరి ఆర్థిక పరిస్థితి మెరుగవుతుంది.
తులా రాశి:
తులారాశి వారికి ఈ సంయోగం అదృష్టాన్ని తెచ్చి పెడుతుంది. పెండింగ్లో ఉన్న పనులు పూర్తవుతాయి. ప్రతీ రంగంలో విజయం సూచించబడుతోంది. ప్రయణా అవకాశాలు, విదేశీ అవకాశాలు మెరుగ్గా ఉన్నాయి.