Meta Lay Off: ఉద్యోగులకు మెటా షాక్.. వేల సంఖ్యలో తొలగింపు..

Meta Lay Off: టెక్ రంగంలో లేఆఫ్స్ ఆగడం లేదు. మరోసారి ఉద్యోగులకు షాక్ ఇచ్చేందుకు ఫేస్‌బుక్, మెటా మాతృసంస్థ మెటా సిద్ధమైనట్లు సమచారం. ఈ ఏడాది భారీ ఉద్యోగాల కోతల్లో మొదటి దశను మే 20న చేపట్టే అవకాశం ఉంది. ఆ తర్వాత కూడా లేఆఫ్స్ ఉంటాయని రాయిటర్స్ నివేదించింది. ఈ తొలి దశలో ప్రపంచవ్యాప్తంగా 10 శాతం ఉద్యోగాలు అంటే దాదాపుగా 8000 మంది ఉద్యోగుల్ని తొలగించనుంది. ఈ ఏడాది సెకండ్ ఆఫ్‌లో కూడా లేఆఫ్స్ ఉంటాయని కంపెనీ ఇంటర్నల్ సోర్స్‌లు చెబుతున్నాయి. అయితే, ఎంత మందిని తొలగిస్తారనే దానిపై ఇంకా స్పష్టత లేదు.

Read Also: Tubeless Tyre Puncture: టైర్ పంక్చర్ అయినా.. మరో 100 కి.మీ వరకు వెళ్లొచ్చు..! ఎలాగో తెలుసా?

ఉద్యోగాల లేఆఫ్స్‌కు ఆర్టిఫిషియల్ ఇంటెలిజెన్స్(ఏఐ) కారణం అవుతోంది. ఏఐ సామర్థ్యాలకు అనుగుణంగా అధికారులు తమ ప్రణాళికలో మార్పులు చేసుకోవచ్చని తెలుస్తోంది. మెటా ప్రపంచవ్యాప్తంగా ఉన్న తన ఉద్యోగుల్లో 20 శాతం లేదా అంతకన్నా ఎక్కువ మందిని తొలగించే ప్లాన్ చేస్తోంది. కంపెనీ కార్యకలాపాలను పునర్నిర్మించే ప్రయత్నంలో భాగంగా ఏఐ వందల బిలియన్ డాలర్లను వెచ్చిస్తోంది.

గ్లోబల్ టెక్ కంపెనీలు అన్నీ కూడా ఇలాగే లేఆఫ్స్ చేపడుతున్నాయి. ఇటీవల నెలల్లో 30,000 మంది కార్పొరేట్ ఉద్యోగుల్ని అమెజాన్ తొలగించింది. ఇది మొత్తం వర్క్ ఫోర్స్‌లో 10 శాతం. ప్రపంచవ్యాప్తంగా టెక్ ఉద్యోగాల కోతలను పర్యవేక్షించే Layoffs.fyi ప్రకారం.. ఈ సంవత్సరం ఇప్పటివరకు 73,212 మంది ఉద్యోగులు తమ ఉద్యోగాలను కోల్పోయారని నివేదించింది. 2024లో ఈ సంఖ్య 153,000గా ఉంది.