Lenskart IPO 2025: ప్రముఖ కళ్లజోడు సంస్థ లెన్స్కార్ట్ కంపెనీ తాజాగా వార్తల్లో నిలిచింది. లెన్స్కార్ట్ కంపెనీ తర్వలో IPO కు రాబోతుంది. లెన్స్కార్ట్ IPO అక్టోబర్ 31, 2025న సబ్స్క్రిప్షన్ కోసం ఓపెన్ కానున్నట్లు కంపెనీ అధికారులు వెల్లడించారు. పియూష్ బన్సాల్ యాజమాన్యంలోని లెన్స్కార్ట్ కంపెనీకి రాధాకిషన్ దమాని మద్దతు ఉంది. ఈ సంస్థ అక్టోబర్ 31న తన ప్రారంభ పబ్లిక్ ఆఫరింగ్ (IPO)ను ప్రారంభించనున్నట్లు వెల్లడించింది. టాటా క్యాపిటల్, HDB ఫైనాన్షియల్, LG ఎలక్ట్రానిక్స్ ఇండియా తర్వాత ఇది 2025లో నాల్గవ అతిపెద్ద IPO అవుతుందని మార్కెట్ విశ్లేషకులు అభిప్రాయపడుతున్నారు.
READ ALSO: Abdullahpurmet: హైటెన్షన్ డ్రామా.. విద్యుత్ టవర్ పై నుండి దూకేసిన వ్యక్తి…!
రూ.7,278 కోట్లు టార్గెట్..
లెన్స్కార్ట్ IPO ద్వారా సంస్థ రూ.7,278 కోట్లు (సుమారు $1.2 బిలియన్లు) సేకరించాలని లక్ష్యంగా పెట్టుకున్నట్లు సమాచారం. ఇష్యూ ధర పరిధి ఒక్కో షేరుకు ₹382-₹402 మధ్య నిర్ణయించినట్లు మార్కెట్ వర్గాలు పేర్కొన్నాయి. లెన్స్కార్ట్ IPO అక్టోబర్ 31 నుంచి నవంబర్ 4 మధ్య బిడ్డింగ్కు అందుబాటులో ఉంటుంది. ఈ కాలంలో పెట్టుబడిదారులు IPO కు దరఖాస్తు చేసుకోవచ్చు. కంపెనీ మొత్తం ₹7,278 కోట్లను సేకరించాలని లక్ష్యంగా పెట్టుకుంది. అందులో ₹2,150 కోట్లు తాజా ఇష్యూ ద్వారా సేకరించనున్నారు. అమ్మకానికి ఆఫర్ 127.6 మిలియన్ షేర్లను కలిగి ఉంది. ఇది మొదట అనుకున్న 132 మిలియన్ షేర్ల కంటే 04.7 మిలియన్ షేర్లు తక్కువ. లెన్స్కార్ట్ IPO ధరల బ్యాండ్ను ఒక్కో షేరుకు ₹382-₹402 మధ్య నిర్ణయించింది. ఇది నేహా బన్సాల్, DMart వ్యవస్థాపకుడు రాధాకిషన్ దమాని భార్య మధ్య జరిగిన ప్రీ-IPO లావాదేవీ ఆధారంగా రూపొందించినట్లు సమాచారం. దీనిలో సహ వ్యవస్థాపకురాలు నేహా బన్సాల్ 0.13% వాటాను ₹90 కోట్లకు విక్రయించారు.
GMP అంటే ఏంటి?
GMP ని నివేదించే వెబ్సైట్లు దాదాపు రూ.70 గ్రే మార్కెట్ ప్రీమియంను సూచిస్తాయి. అయితే గ్రే మార్కెట్ ప్రీమియం అనేది పెట్టుబడిదారుల సెంటిమెంట్కు అనధికారిక సూచిక అని గుర్తుంచుకోవాలి. కొన్నిసార్లు, వాస్తవ లిస్టింగ్ ధర GMP నుంచి గణనీయంగా భిన్నంగా ఉండవచ్చని మార్కెట్ వర్గాలు పేర్కొన్నాయి. పెట్టుబడిదారులు నవంబర్ 4 వరకు లెన్స్కార్ట్ IPOలో పెట్టుబడి పెట్టవచ్చు. వారికి నవంబర్ 6న షేర్ల కేటాయింపు జరుగుతుందని, మార్కెట్లో కంపెనీ లిస్టింగ్ తేదీ నవంబర్ 10గా ఉంటుందని సమాచారం. లెన్స్కార్ట్లో ప్రస్తుత ప్రమోటర్ వాటా సుమారు 19.85%. ప్రభుత్వ పెట్టుబడిదారులు 79.72%, ఉద్యోగుల ట్రస్టులు 0.43% వాటాలు కలిగి ఉన్నాయి. కొత్త వాటా జారీ ద్వారా వచ్చే ఆదాయంతో స్టోర్ విస్తరణ, టెక్నాలజీ, క్లౌడ్ మౌలిక సదుపాయాలలో పెట్టుబడుల కోసం మూలధన వ్యయాలకు నిధులు సమకూర్చడం లక్ష్యంగా సంస్థ అధికారులు పేర్కొన్నారు.
READ ALSO: Pakistan: యుద్ధ భయంతో విదేశాలకు పారిపోయిన పాక్ అగ్రనాయకత్వం..