Best Investment: నెలకు రూ.10 వేల పెట్టుబడి.. ఐదేళ్లకు కళ్లు చెదిరే లాభాలు.. చాట్ జీపీటీ చెప్పిన ప్లాన్ ఇదే..

నెలకూ రూ. 10,000 పెట్టుబడి పెట్టడం ద్వారా దీర్ఘకాలంలో పెద్ద మొత్తంలో డబ్బును ఎలా కూడబెట్టవచ్చు. అది ఎలా సాధ్యం అవుతుంది అనే విషయాలను చాట్ జీపీటీ సరికొత్త విధానాన్ని చెప్పింది. దాని గురించి ఇక్క తెలుసుకుందాం. ఇందులో ముఖ్యమైన విషయం ఏమిటంటే, ఒకేసారి ఎక్కడో పెద్ద మొత్తంలో పెట్టడం కంటే, ప్రతి నెలా క్రమం తప్పకుండా పొదుపు చేసే అలవాటును పెంచుకోవడం ముఖ్యం.

చాట్‌జీపీటీ సలహా ప్రకారం ఈ రూ. 10,000 మొత్తాన్ని నాలుగు భాగాలుగా విభజించవచ్చు. మొదటగా, రూ. 5,000 మొత్తాన్ని భవిష్యత్తులో మంచి లాభాల కోసం ఈక్విటీ మ్యూచువల్ ఫండ్స్‌లో ఎస్‌ఐపీ (SIP) ద్వారా పెట్టాలి. ఇవి సాధారణంగా ఏడాదికి 10 నుండి 12 శాతం వరకు లాభాలను ఇస్తాయి. రెండవది, మార్కెట్ గురించి పెద్దగా అవగాహన లేని వారు సురక్షితంగా ఉండటం కోసం రూ. 2,000 మొత్తాన్ని ఇండెక్స్ ఫండ్స్‌లో పెట్టుబడిగా పెట్టవచ్చు. మూడవది, అకస్మాత్తుగా వచ్చే అత్యవసర ఖర్చుల కోసం రూ. 2,000 మొత్తాన్ని విడిగా లిక్విడ్ ఫండ్స్‌లో దాచుకోవాలి. దీనివల్ల ఏదైనా అవసరం వస్తే మన అసలు పెట్టుబడులను మధ్యలో ఆపాల్సిన పరిస్థితి రాదు. ఇక చివరిగా మిగిలిన రూ. 1,000 మొత్తాన్ని బంగారం లేదా విదేశీ మార్కెట్లలో పెట్టడం ద్వారా మార్కెట్ హెచ్చుతగ్గుల నుండి మన డబ్బుకు రక్షణ దొరుకుతుంది.

ఈ ప్లాన్ ప్రకారం మనం కేవలం మ్యూచువల్ ఫండ్స్, ఇండెక్స్ ఫండ్స్‌లో పెట్టే రూ. 7,000 మొత్తమే 12 శాతం లాభంతో కేవలం ఐదేళ్లలోనే సుమారు రూ. 5.7 లక్షలు అవుతుంది. ఇక్కడ ఏ ఫండ్‌లో ఎంత పెట్టామనే దానికంటే, ప్రతి నెలా ఆపకుండా క్రమశిక్షణతో పెట్టుబడి పెట్టడమే అత్యంత ముఖ్యం. ఇలా 10 నుంచి 15 ఏళ్లపాటు స్థిరంగా కొనసాగిస్తే.. వడ్డీ మీద వడ్డీ పెరిగి మీ చిన్న మొత్తం కాస్తా చాలా పెద్ద నిధిగా మారుతుంది. అయితే.. ప్రతి ఒక్కరి సొంత అవసరాలు, లక్ష్యాలు వేరుగా ఉంటాయి కాబట్టి, పెట్టుబడి పెట్టే ముందు ఒకసారి ఆర్థిక నిపుణుల సలహా తీసుకోవడం ఎల్లప్పుడూ మంచిది.