Today Gold and Silver Prices: బంగారం ధరల మంటలు.. నేడు మళ్లీ భారీగా పెరిగిన గోల్డ్ రేట్స్

ఎండలే కాదు బంగారం ధరలు కూడా మరింత హీట్ పుట్టిస్తున్నాయి. నేడు మళ్లీ భారీగా గోల్డ్ ధరలు పెరిగాయి. ఇన్‌ఫ్లేషన్ భయాలు, ఫెడ్ నిర్ణయాలు, జియోపాలిటికల్ టెన్షన్లు (US-Iran సంబంధాలు) కారణంగా ధరలు హెచ్చుతగ్గులు చూస్తున్నాయి. హైదరాబాద్ లో ఈరోజు 24 క్యారెట్ల బంగారం ధర (1 గ్రాము) రూ.15,137, 22 క్యారెట్ల బంగారం ధర (1 గ్రాము) రూ.13,875, 18 క్యారెట్ల బంగారం ధర (1 గ్రాము) రూ.11,353 వద్ద అమ్ముడవుతోంది. ఇవాళ తులం పుత్తడిపై రూ. 440 పెరిగింది. సిల్వర్ ధరలు మాత్రం స్థిరంగా కొనసాగుతున్నాయి.

హైదరాబాద్ బులియన్ మార్కెట్‌లో 24 క్యారెట్ల 10 గ్రాముల గోల్డ్ ధర రూ. 440 పెరిగి రూ.1,51,370 దగ్గర ట్రేడ్ అవుతోంది. 22 క్యారెట్ల 10 గ్రాముల పసిడి ధర రూ. 400 పెరగడంతో రూ.1,38,750 కి చేరింది. ఢిల్లీలో 24 క్యారెట్ల 10 గ్రాముల పుత్తడి ధర 1,51,530 వద్ద, 22 క్యారెట్ల 10 గ్రాముల పసిడి ధర 1,38,900 వద్ద సేల్ అవుతోంది.

హైదరాబాద్ లో కిలో వెండి ధర రూ. 2,65,000 వద్దే సేల్ అవుతోంది. దేశ రాజధాని ఢిల్లీలో కిలో సిల్వర్ ధర రూ. 2,60,000 వద్ద ట్రేడ్ అవుతోంది.