State Bank Of india: ఎస్‌బీఐ ఖాతాదారులకు కేంద్ర ప్రభుత్వం హెచ్చరిక

Ramesh Nalam
State Bank Of India

State Bank Of India

భారత్‌లోని ప్రభుత్వ రంగ బ్యాంకులలో అతి పెద్ద సంస్థ స్టేట్ బ్యాంక్ ఆఫ్ ఇండియా. అయితే ప్రస్తుతం ఎస్‌బీఐ కస్టమర్ల ఫోన్‌లకు ఓ ఫేక్ మెసేజ్ సర్క్యులేట్ అవుతోంది. మీ ఎస్‌బీఐ ఖాతాను బ్లాక్ చేశారని.. సంబంధిత వివరాలతో మళ్లీ మీ ఖాతాను పునరుద్ధరించుకోవాలని మెసేజ్‌తో పాటు ఓ లింకు కూడా దర్శనమిస్తోంది. ఈ మెసేజ్‌ కేంద్ర ప్రభుత్వం దృష్టికి వెళ్లింది. ఇది ఫేక్ మెసేజ్ అని.. ఈ మెసేజ్ పట్ల ఖాతాదారులు అప్రమత్తంగా ఉండాలని కేంద్ర సమాచార ప్రసార శాఖ (పీఐబీ) ఫ్యాక్ట్ చెక్ విభాగంహెచ్చరించింది.

Rich Persons List: బ్రిటన్‌ శ్రీమంతుల జాబితాలో భారతీయులు

Also Read

Add as a preferred
source on google

ఎస్‌బీఐ తన ఖాతాదారులకు ఎప్పుడూ ఇలాంటి సందేశాలు పంపదని, ఒకవేళ మీ ఫోన్లకు, మెయిల్‌కు ఇలాంటి సందేశాలు వస్తే అప్రమత్తంగా వ్యవహరించాలని కేంద్ర ప్రభుత్వం సూచించింది. ఎట్టి పరిస్థితుల్లోనూ బ్యాంకు ఖాతా వివరాలను పంచుకోవద్దని హెచ్చరించింది. ఈ ఫేక్ మెసేజ్‌ను ఎవరైనా ఎస్‌బీఐ దృష్టికి తీసుకెళ్లాలనుకుంటే report.phishing@sbi.co.in కు మెయిల్ చేయాలని పీఐబీ ఫ్యాక్ట్ చెక్ విభాగం పేర్కొంది. అంతేకాకుండా సబ్ కా వికాస్ మహా క్విజ్ పేరుతో కూడా ఓ లింక్ సర్క్యులేట్ అవుతోందని.. దీనిని కూడా నమ్మవద్దని కేంద్ర సమాచార ప్రసార శాఖ హితవు పలికింది.