Amazon Layoffs in India: పండుగకు ముందు అమెజాన్ షాక్.. భారత్లో భారీగా ఉద్యోగాల కోత
- Follow Us :
-
-
Add as a preferred
source on google
Amazon Layoffs in India: పండుగలకు ముందు తన ఉద్యోగులకు భారీ షాక్ ఇచ్చింది ఈ-కామర్స్ దిగ్గజం అమెజాన్.. ఓవైపు అమెజాన్ గ్రేట్ ఇండియన్ ఫెస్టివల్ 2026 ప్రారంభమైన సమయంలోనే ప్రపంచవ్యాప్తంగా సుమారు 1,000 ఉద్యోగాలను తొలగించినట్లు నివేదికలు వెల్లడించాయి. ఈ ప్రభావం భారత్లోనూ కనిపించనుంది. నవరాత్రి, దీపావళి పండుగలకు ముందు దేశవ్యాప్తంగా రిటైల్ విభాగంలో సుమారు 1,000 మంది ఉద్యోగులు ఉద్యోగాలు కోల్పోయే అవకాశం ఉందని నివేదికలు చెబుతున్నాయి..
భారత్లో ఈ ఉద్యోగాల కోత ప్రధానంగా అమెజాన్ స్టోర్స్ విభాగంపై ప్రభావం చూపనున్నట్లు తెలుస్తోంది. అమెజాన్ ప్రధాన ఈ-కామర్స్ వెబ్సైట్ కార్యకలాపాలను పర్యవేక్షించే విభాగమే స్టోర్స్. సంస్థ తన నిర్మాణం, ప్రాధాన్యతలు, భవిష్యత్ అవసరాలను సమీక్షించిన తర్వాత కొన్ని ఉద్యోగాలను తొలగించాలనే కఠిన నిర్ణయం తీసుకున్నట్లు ఉద్యోగులకు పంపిన మెయిల్లో పేర్కొన్నట్లు నివేదికలు తెలిపాయి.
Also Read
- Haldiram IPO: స్టాక్ మార్కెట్లోకి 'హల్దీరామ్' గ్రాండ్ ఎంట్రీ.. ఏకంగా రూ. 10 వేల కోట్ల భారీ ఐపీఓకు రంగం సిద్ధం!
- Gold and Silver Prices Fall: పసిడి ప్రియులకు గుడ్న్యూస్.. భారీగా తగ్గిన బంగారం, వెండి ధరలు
- Cigarette Prices Hike: ధూమపాన ప్రియులకు షాక్.. మరోసారి సిగరెట్ల ధరల బాదుడు..! ఒక్క ప్యాకెట్పై ఏకంగా..
- Recykal: సచిన్ టెండూల్కర్ సరికొత్త ఇన్నింగ్స్.. క్లీన్ ఇండియా కోసం మాస్టర్ బ్లాస్టర్ బిగ్ స్టెప్!
ఉద్యోగాలు కోల్పోయే వారికి అమెజాన్ పరిహారం
అయితే, ఉద్యోగాల నుంచి తొలగించబడిన వారికి పరిహార ప్యాకేజీని కూడా అమెజాన్ ప్రకటించినట్లు సమాచారం. ప్రస్తుత ఉద్యోగ స్థితిని బట్టి కొంతకాలం పూర్తి జీతం, ప్రయోజనాలతో కూడిన నాన్-వర్కింగ్ పీరియడ్ను అందించనున్నట్లు తెలిపింది. అలాగే దేశం, ఉద్యోగ స్థితిని బట్టి మారే విధంగా సెవెరెన్స్ ప్యాకేజీ, ట్రాన్సిషనల్ బెనిఫిట్స్ అందించనున్నట్లు ఉద్యోగులకు పంపిన మెయిల్లో పేర్కొన్నట్లు తెలుస్తోంది.
గత ఏడాది నుంచే కొనసాగుతున్న ఉద్యోగాల కోత
కాగా, అమెజాన్లో తాజా ఉద్యోగాల కోత ఒక్కసారిగా తీసుకున్న నిర్ణయం కాదని నివేదికలు చెబుతున్నాయి. గత ఏడాది ప్రారంభమైన ఉద్యోగాల కోతలు ఈ ఏడాది జనవరి వరకు కొనసాగాయి. వివిధ విభాగాల్లో గత ఏడాది సుమారు 30,000 ఉద్యోగాలను అమెజాన్ తగ్గించినట్లు సమాచారం. ప్రస్తుతం కంపెనీ తన వనరులను ఆర్టిఫిషియల్ ఇంటెలిజెన్స్, క్లౌడ్ కార్యకలాపాల వైపు మళ్లిస్తోంది.
AI, ఆటోమేషన్పై అమెజాన్ భారీ దృష్టి
ఆర్టిఫిషియల్ ఇంటెలిజెన్స్ ఆధారిత టెక్నాలజీ, ఆటోమేషన్ ద్వారా కార్యకలాపాలను మరింత సమర్థంగా నిర్వహించేందుకు అమెజాన్ ప్రయత్నిస్తోంది. ఈ మార్పులో భాగంగా భారీగా పెట్టుబడులు పెడుతోంది. ఇక, భవిష్యత్ అవసరాల దృష్ట్యా డేటా సెంటర్ల నిర్మాణం కోసం గత ఏడాది 100 బిలియన్ డాలర్లకు పైగా కేటాయించినట్లు సమాచారం. ఈ డేటా సెంటర్లు సంస్థ అంతర్గత అవసరాలతో పాటు ఎంటర్ప్రైజ్ కస్టమర్లకు అవసరమైన AI మౌలిక వసతులను అందించేందుకు ఉపయోగపడనున్నాయి.
ఉద్యోగులకు Andy Jassy కీలక సూచనలు
2021లో జెఫ్ బెజోస్ తర్వాత అమెజాన్ సీఈవోగా బాధ్యతలు చేపట్టిన ఆండీ జెస్సీ కూడా సంస్థ AI ప్రయాణంపై ఉద్యోగులకు స్పష్టమైన సందేశం ఇచ్చారు. AI మార్పును స్వీకరించి, దాని గురించి అవగాహన పెంచుకుని, సంస్థ అంతర్గత AI సామర్థ్యాలను అభివృద్ధి చేయడంలో భాగస్వాములయ్యే ఉద్యోగులకు భవిష్యత్తులో అధిక ప్రభావం చూపే అవకాశాలు ఉంటాయని ఆయన పేర్కొన్నారు. AIని సంస్థవ్యాప్తంగా విస్తృతంగా వినియోగించడం వల్ల సామర్థ్యం పెరుగుతుందని, దాని ఫలితంగా మొత్తం కార్పొరేట్ ఉద్యోగుల సంఖ్య తగ్గే అవకాశం ఉందని కూడా జెస్సీ గతంలో వెల్లడించారు. ఆయన నాయకత్వంలోనే 2022–23 మధ్య అమెజాన్ చరిత్రలోనే అతిపెద్ద ఉద్యోగాల కోతలు జరిగాయి. ఆ సమయంలో సుమారు 27,000 కార్పొరేట్ ఉద్యోగాలు తగ్గించినట్లు సమాచారం. ఇక, తాజా ఉద్యోగాల కోతతో పండుగ సీజన్కు ముందు అమెజాన్లో పనిచేస్తున్న భారతీయ ఉద్యోగుల్లో ఆందోళన నెలకొన్నట్లు తెలుస్తోంది. AI, ఆటోమేషన్, క్లౌడ్ టెక్నాలజీల వైపు కంపెనీ వేగంగా మారుతున్న నేపథ్యంలో భవిష్యత్తులో ఉద్యోగాలపై ఈ మార్పుల ప్రభావం ఎలా ఉంటుందన్నది ఆసక్తికరంగా మారింది.
తాజావార్తలు
-
CM Revanth: మూడు టిమ్స్ ఆసుపత్రులకు ఒకే రిక్రూట్మెంట్ విధానం.. సీఎం రేవంత్ రెడ్డి కీలక వ్యాఖ్యలు..
-
Food Safety Raids: హైదరాబాద్లోని కేఎఫ్సీ, డొమినోస్ అవుట్లెట్లపై ఫుడ్ సేఫ్టీ మెరుపు దాడులు.. 9 బ్రాంచీల లైసెన్సులు సస్పెండ్!
-
Nvidia CEO: ఎన్విడియాకు టిమ్ కుక్ ఒక్కరే సరైనోడు.. ట్రంప్ ఆసక్తికర వ్యాఖ్యలు.!
-
Siddu Jonnalagadda: ఏడాది గ్యాప్ తర్వాత రూట్ మార్చిన సిద్ధు జొన్నలగడ్డ!
-
Iran Crisis: కిడ్నీ నుంచి వృషణాల వరకు.. శరీర అవయవాలను అమ్ముకుంటున్న ఇరాన్ ప్రజలు!
ట్రెండింగ్
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?
-
Moringa Soup: ఖరీదైన స్కిన్ కేర్ ప్రొడక్ట్స్ వద్దు.. వింటర్లో బుగ్గలపై సహజమైన ఎరుపుదనం తెచ్చే సూప్ ఇదే..
-
Cigarette Prices Hike: ధూమపాన ప్రియులకు షాక్.. మరోసారి సిగరెట్ల ధరల బాదుడు..! ఒక్క ప్యాకెట్పై ఏకంగా..
-
Kusal Mendis: విమర్శకుల నోళ్లు మూయించిన కుశాల్ మెండిస్.. 13,000 పరుగుల మైలురాయిని అందుకున్న ఆటగాడిగా ఘనత..!